அடுத்த இரு தினங்கள் ஜில் ஜில்.. டெல்லி வாசிகளுக்கு ரம்மியமான செய்தி!

Delhi Rain and Thunderstorms : டெல்லியில் அடுத்த இரு தினங்களுக்கு மழை பெய்யும் எனத் தெரிவிக்கப்பட்டுள்ளது.

டெல்லியில் மழைக்கு வாய்ப்பு (கோப்புக் காட்சி)

IMD Issues Yellow Alert for Delhi Rain and Thunderstorms

ByJayakrishnan R

Published on: May 3, 2026 at 1:03 pm

Updated on: May 3, 2026 at 1:06 pm

புதுடெல்லி, மே 3, 2026: டெல்லியில் அடுத்த இரண்டு நாட்களுக்கு மழை, மின்னல் மற்றும் பலத்த காற்று வீசும் வாய்ப்பு இருப்பதாக இந்திய வானிலை ஆய்வு மையம் (ஐ.எம்.டி) எச்சரிக்கை விடுத்துள்ளது.

இது குறித்து இந்திய வானிலை ஆய்வு மையம் (ஐ.எம்.டி) விடுத்துள்ள செய்திக் குறிப்பில், “டெல்லி மற்றும் சுற்றுவட்டார பகுதிகளுக்கு மஞ்சள் எச்சரிக்கை வெளியிட்டுள்ளது. இதன் படி, மழை, மின்னல், பலத்த காற்று வீசும் வாய்ப்பு அதிகம் என கூறப்பட்டுள்ளது.
இந்நிலையில், இன்று டெல்லியில் அதிகபட்ச வெப்பநிலை சுமார் 38 டிகிரி செல்சியஸ் இருக்கும் எனவும், குறைந்தபட்ச வெப்பநிலை 26 டிகிரி செல்சியஸ் அருகில் நிலைத்திருக்கும் எனவும் IMD தெரிவித்துள்ளது.

அதிகப்பட்ச வெப்ப நிலை

இந்நிலையில், இந்திய வானிலை ஆய்வு மையத்தின் தகவலின்படி, ரிட்ஜ் பகுதியில் 37.4 டிகிரி செல்சியஸ், சஃப்தர்ஜங் பகுதியில் 38.6 டிகிரி செல்சியஸ், லோடி ரோடு பகுதியில் 37 டிகிரி செல்சியஸ், பாளம் பகுதியில் 38 டிகிரி செல்சியஸ் வெப்பநிலை பதிவாகியுள்ளது.
இதற்கிடையில், மழை மற்றும் பலத்த காற்று காரணமாக போக்குவரத்து, பொதுமக்கள் தினசரி செயல்பாடுகள் பாதிக்கப்படலாம் என வானிலை ஆய்வு மையம் எச்சரித்துள்ளது.

மேலும், மின்னல், பலத்த காற்று, மழை ஆகியவற்றின் தாக்கத்திலிருந்து பாதுகாப்பாக இருக்க பொதுமக்கள் தேவையான முன்னெச்சரிக்கை நடவடிக்கைகளை மேற்கொள்ள வேண்டும் எனவும் இந்திய வானிலை ஆய்வு மையம் அறிவுறுத்தியுள்ளது.

இதையும் படிங்க : டெல்லி விவேக் விஹார் பகுதியில் தீ விபத்து.. 9 பேர் உடல் கருகி உயிரிழப்பு?