பெங்களூருவில் நடந்து சென்ற பெண் மானபங்கம்: ‘இதுவரை புகார் இல்லை’ என்கிறது காவல்துறை!

BTM layout Bengaluru woman gets molested: இந்த வழக்கு தொடர்பாக எந்த புகாரும் பதிவு செய்யப்படவில்லை என்று காவல்துறை தெரிவித்துள்ளது. எனினும் போலீசார் தாமாக முன்வந்து நடவடிக்கை எடுக்க வாய்ப்புள்ளதாக கூறப்படுகிறது.

பெங்களூருவில் நடந்து சென்ற பெண் மானபங்கம்

BySaranya JK

Published on: April 8, 2025 at 3:58 pm

பெங்களூரு, ஏப்.8 2025: கர்நாடக தலைநகர் பெங்களூருவில் ஏப்.3ஆம் தேதி இளம்பெண் ஒருவர் மானபங்கம் செய்யப்பட்டுள்ளார். இதுதொடர்பாக வீடியோ காட்சிகள் வெளியாகி பரபரப்பை ஏற்படுத்தி இருந்தது.

இந்த நிலையில், இந்த வழக்கு தொடர்பாக இதுவரை எந்தப் புகாரும் பதிவு செய்யப்படவில்லை என்று காவல்துறை தெரிவித்துள்ளது. மேலும், பாதிக்கப்பட்டவர் அடையாளம் தெரியாத நபருக்கு எதிராக எஃப்.ஐ.ஆர் பதிவு செய்வதற்கு முன்வரவில்லை என்றால், புகாரைப் பதிவு செய்து நாங்களாகவே நடவடிக்கை எடுப்போம் என்றும் காவல்துறை தரப்பில் தெரிவிக்கப்பட்டு உள்ளது.

அதாவது, பெங்களூருவின் சுத்தகுண்டேபல்யா பகுதியில் உள்ள பி.டி.எம் லேஅவுட்டில் வியாழக்கிழமை (ஏப்.3 2025) அடையாளம் தெரியாத நபர் ஒருவரால் பெண் பாலியல் துன்புறுத்தலுக்கு ஆளாகியுள்ளார்.
இந்த சம்பவத்தின் காணொளி இப்போது ஆன்லைனில் பரவலாகப் பரப்பப்பட்டு வருகிறது. இதற்கிடையில், நகரத்தில் பெண்களின் பாதுகாப்பு குறித்து மீண்டும் கடுமையான கவலைகள் தலைதூக்கியுள்ளன.

பேட்மிண்டன் பயிற்சியாளர் கைது

முன்னதாக, பெங்களூரு காவல்துறையினர் 16 வயது மாணவியை பாலியல் வன்கொடுமை செய்ததாக 30 வயது பேட்மிண்டன் பயிற்சியாளரை கைது செய்தனர். பாலியல் வன்கொடுமைக்கு ஆளான பெண்ணின் ஆபாச புகைப்படத்தை அந்த டீனேஜரின் பாட்டி இதனை கண்டுபிடித்து போலீசில் புகார் அளித்தார் என்பது குறிப்பிடத்தக்கது.

இதையும் படிங்க : ‘துருக்கி உள்ளிட்ட இஸ்லாமிய நாடுகளில் அரசின் கட்டுப்பாட்டில் வக்ஃப்’: ஜெ.பி நட்டா