மலையாள படத்தில் இதுதான் டாப்.. புதிய சாதனை படைத்த எம்புரான்!

L2Emburaan Boxoffice Collection: மலையாள பாக்ஸ் ஆபிஸில் புதிய சாதனை படைத்த எல்2 எம்புரான். 9ம் நாள் வசூல் நிலவரம் என்ன தெரியுமா?

எம்புரான் படத்தில் மோகன் லால்

ByAkila Ramakrishnan

Published on: April 8, 2025 at 4:31 pm

திருவனந்தபுரம், ஏப்.8 2025: மலையாள சூப்பர் ஸ்டார் மோகன்லால் நடிப்பில் இயக்குனரும்-நடிகருமான பிருத்விராஜ் சுகுமாரன் டைரக்ஷனில் சமீபத்தில் வெளியான L2: எம்புரான் திரைப்படம் சர்ச்சையில் சிக்கியது.
இந்தச் சர்ச்சைகள் படத்தின் வசூலை பாதிக்கவில்லை. உலகளவில் ரூ.250 கோடிக்கு மேல் வசூலித்த L2: எம்புரான் தற்போது அதிக வசூல் செய்த மலையாள திரைப்படமாக உள்ளது.

இந்தத் திரைப்படம் வெறும் ஒன்பது நாட்களில், ரூ.241 கோடி (மொத்தம்) வசூலித்த மஞ்சுமல் பாய்ஸ் திரைப்படத்தின் வசூலை முறியடித்துள்ளது. அந்த வகையில், மலையாளத்தில் அதிகம் வசூல் செய்த திரைப்படமாக உருவெடுத்துள்ளது. இந்தப் படம், திங்கட்கிழமை (ஏப்.8 2025) ரூ.1.75 கோடி நிகர (வரிகளை கழித்து) வசூலித்து காணப்பட்டது.

இது படத்தின் மிகப்பெரிய வசூல் சரிவு ஆகும். எனினும், எம்புரான் உள்நாட்டு பாக்ஸ் ஆபிஸில் ரூ.100.10 கோடி வசூலித்தது. வேகம் குறைந்திருந்தாலும், அதன் மூன்றாவது வார இறுதியில் எம்புரான் திரைப்படம் வேகத்தை அதிகரிக்கும் என்று எதிர்பார்க்கப்படுகிறது.

2025 ஆம் ஆண்டில் இதுவரை இந்தியாவில் அதிக வசூல் செய்த மூன்றாவது படமாக இது உள்ளது. 800 கோடி ரூபாய்க்கு மேல் வசூல் செய்த விக்கி கௌஷலின் சாவா மற்றும் 255 கோடி ரூபாய் வசூல் செய்த சங்கராந்திகி வாஸ்துனம் படங்களுக்குப் பின்னால் உள்ளது.

தற்போது படம் ரூ.250 கோடி வசூலித்துள்ளது. எல்2: எம்புரான் படத்தில் மோகன்லால் தவிர, மஞ்சு வாரியர், டோவினோ தாமஸ், ஜெரோம் பிளின், சுராஜ் வெஞ்சாரமூடு மற்றும் பலர் நடித்துள்ளனர். இதை ஆசீர்வாத் சினிமாஸ், ஸ்ரீ கோகுலம் மூவிஸ் மற்றும் லைகா புரொடக்ஷன்ஸ் இணைந்து தயாரித்துள்ளது குறிப்பிடத்தக்கது.

இதையும் படிங்க : நடிகர் பிரித்திவிராஜுக்கு கெடு விதித்த வருமான வரித்துறை.. பரபரப்பு தகவல்கள்!