நடிகர் பிரித்திவிராஜுக்கு கெடு விதித்த வருமான வரித்துறை.. பரபரப்பு தகவல்கள்!

IT Notice to Actor Prithviraj: எம்புரான் படத்தின் இயக்குனரும் நடிகருமான பிரித்திவிராஜ்க்கு வருமான வரித் துறை நோட்டீஸ் அனுப்பியுள்ளது. இதில் ஏப்.29க்குள் விளக்கம் அளிக்க கெடு விதிக்கப்பட்டுள்ளது.

நடிகர் பிரித்திவிராஜ்

ByAkila Ramakrishnan

Published on: April 6, 2025 at 2:13 pm

திருவனந்தபுரம், ஏப்ரல் 6 2025: தமிழ், மலையாளம் என திரை உலகில் பிரபல நடிகராக அறியப்படுபவர் பிரித்திவிராஜ். இவர் நடிகர் மோகன்லால் வைத்து லூசிபர் என்ற திரைப்படத்தை இயக்கினார். கேரளத் திரையுலகில் இந்த திரைப்படம் மாபெரும் வெற்றியை ருசித்தது. இந்தப் படம் இயக்கும்போது இரண்டாம் மற்றும் மூன்றாம் பாகத்திற்கான கதைகள் உருவாக்கப்பட்டன எனக் கூறப்படுகிறது.

இந்த நிலையில் முதல் பாகத்தின் பிரம்மாண்ட வெற்றி இரண்டாம் பாகத்திற்கு வித்திட்டது. அதன்படி இரண்டாம் பாகம் 2025 மார்ச் மாதம் திரையரங்குகளில் வெளியானது. படத்திற்கு எம்புரான் என பெயரிடப்பட்டது. இந்தப் படத்தில் கோத்ரா ரயில் எரிப்பு, முல்லைப் பெரியாறு அணை குறித்து சர்ச்சைக்குரிய காட்சிகள் இடம் பெற்று இருப்பதாக எதிர்ப்புகள் கிளம்பின.

எனினும் இந்தப் படத்தை கேரள கம்யூனிஸ்ட் கட்சி வரவேற்றுள்ளது. இந்தப் படத்தை திரையரங்கில் பார்வையிட்டு, செய்தியாளர்களை சந்தித்த கேரள கலாச்சார துறை அமைச்சர் சசி செரியன், “மிக துணிச்சலாக பிரிதிவிராஜ் பல்வேறு சம்பவங்களை கையில் எடுத்து சம்பவம் செய்துள்ளார்.

இந்தப் படத்தை நாட்டில் உள்ள அனைவரும் காண வேண்டும்; கேரளா வரலாற்றில் எத்தனையோ சிறப்பு படங்கள் வந்துள்ளன. அந்த வரிசையில் இந்த படம் முதன்மை பெரும்” என்றார்.

இதற்கிடையில் படத்தின் சில காட்சிகள் தற்போது தணிக்கை செய்யப்பட்டுள்ளன. இந்த நிலையில் நடிகரும் படத்தின் டைரக்டர்மான பிரித்திவிராஜ்க்கு வருமான வரித்துறை நோட்டீஸ் ஒன்றை அனுப்பி உள்ளது.

பிரித்திவிராஜ் இணை தயாரிப்பாளராக இருந்த கடுவா கோல்டு ஜனகணமன உள்ளிட்ட படங்கள் 2022 ஆம் ஆண்டு வெளியாகி வெற்றி பெற்றன. இந்தப் படங்களில் உரிய வருமான வரியை அவர் தாக்கல் செய்யவில்லை என கூறப்படுகிறது.

இது தொடர்பாக நடிகர் பிரித்திவிராஜ்க்கு வருமான வரித்துறை நோட்டீஸ் அனுப்பி உள்ளது. அந்த நோட்டீஸில் இது தொடர்பாக 2025 ஏப்ரல் 29ஆம் தேதிக்குள் பதில் அனுப்ப வேண்டும் என கெடு விதிக்கப்பட்டுள்ளது.

இதையும் படிங்க: புர்கா சிட்டி படத்தின் காப்பியா லாபட்டா லேடீஸ்? எழுத்தாளர் பரபரப்பு அறிக்கை!