12 வயது சிறுமிக்கு பாலியல் தொல்லை.. இளைஞருக்கு 20 ஆண்டுகள் சிறை!

Latur POCSO Case: லத்தூரில் 12 வயது சிறுமியை பாலியல் வன்கொடுமை செய்த வழக்கில், பவன் பாலாசாஹேப் ஹர்படே என்பவருக்கு 20 ஆண்டுகள் சிறைத் தண்டனை விதித்து நீதிமன்றம் தீர்ப்பளித்துள்ளது.

20 ஆண்டுகள் சிறை

ByJayakrishnan R

Published on: October 3, 2026 at 2:55 pm

Updated on: October 3, 2026 at 2:56 pm

மும்பை, அக்.3, 2026: மகாராஷ்டிரா மாநிலம் லத்தூரில் 12 வயது சிறுமியை பாலியல் வன்கொடுமை செய்த வழக்கில், பவன் பாலாசாஹேப் ஹர்படே என்பவருக்கு 20 ஆண்டுகள் சிறைத் தண்டனை விதித்து நீதிமன்றம் தீர்ப்பளித்துள்ளது. லத்தூர் கூடுதல் அமர்வு நீதிபதி எஸ்.ஏ. சய்யத் வியாழக்கிழமை வழங்கிய தீர்ப்பில், பாரதிய நியாய சன்ஹிதா மற்றும் போக்சோ சட்டத்தின் கீழ் குற்றவாளி என தீர்மானித்து, ரூ.5,000 அபராதமும் விதித்தார்.

வழக்கு விசாரணையின்படி, நாக்சாரியைச் சேர்ந்த ஹர்படே, சிறுமிக்கு மோட்டார் சைக்கிளில் அழைத்துச் செல்வதாகக் கூறி, புனேயில் உள்ள தனது சகோதரியின் காலி வீட்டுக்கு அழைத்துச் சென்றுள்ளார். அங்கு சிறுமியை பாலியல் வன்கொடுமை செய்ததாக குற்றச்சாட்டு பதிவு செய்யப்பட்டது. சம்பவம் தொடர்பாக சிறுமியின் உறவினர்கள் கடந்த ஆண்டு பிப்ரவரி 2ஆம் தேதி போலீசில் புகார் அளித்ததைத் தொடர்ந்து, எம்.ஐ.டி.சி. காவல் நிலைய போலீசார் வழக்குப்பதிவு செய்து அவரை கைது செய்தனர்.

இந்த வழக்கில் விசாரணை முடிவடைந்த நிலையில், குற்றச்சாட்டுகள் நிரூபிக்கப்பட்டதாகக் கூறி நீதிமன்றம் பவன் பாலாசாஹேப் ஹர்படேவுக்கு 20 ஆண்டுகள் சிறைத் தண்டனை விதித்துள்ளது. சிறார்களுக்கு எதிரான பாலியல் குற்றங்களைத் தடுக்கும் போக்சோ சட்டத்தின் கீழ் இந்தத் தீர்ப்பு வழங்கப்பட்டுள்ள நிலையில், வழக்கின் விவரங்களில் சிறுமியின் அடையாளம் வெளியிடப்படவில்லை.

இதையும் படிங்க : நெருக்கடி நேரத்தில் ‘ஹனுமான் சாலிசா ஓதினேன்’.. பிரதமர் மோடி உடன் போனில் பேசிய ஸ்மித் மச்சார்!