How to make peerkangai gravy | இட்லி, தோசை, ஆப்பம், சாதம் போன்ற அனைத்துடனும் சேர்த்து சாப்பிடக்கூடிய சுவையான பீர்க்கங்காய் கிரேவி இப்படி பண்ணுங்க.
How to make peerkangai gravy | இட்லி, தோசை, ஆப்பம், சாதம் போன்ற அனைத்துடனும் சேர்த்து சாப்பிடக்கூடிய சுவையான பீர்க்கங்காய் கிரேவி இப்படி பண்ணுங்க.
Published on: November 23, 2024 at 8:55 am
How to make peerkangai gravy | பொதுவாக பீர்க்கங்காயை பயன்படுத்தி பொரியல், கூட்டு செய்வது உண்டு. இப்போது பீர்க்கங்காய் பயன்படுத்தி சுவையான கிரேவி எப்படி செய்யலாம் என்று பார்க்கலாம்.
தேவையான பொருள்கள்
பீர்க்கங்காய் -2
எண்ணெய் -2 டேபிள் ஸ்பூன்
கடுகு -1/2 டீஸ்பூன்
கடலை பருப்பு -1 டீஸ்பூன்
சோம்பு -1 டீஸ்பூன்
வர மிளகாய் -2
கருவேப்பிலை -1 கொத்து சின்ன வெங்காயம் -20
தக்காளி -1
மஞ்சள் தூள் -1/4
மல்லித்தூள் – 2 ஸ்பூன்
மிளகாய் தூள் -1 ஸ்பூன்
கரம் மசாலா -1/4 ஸ்பூன்
உப்பு- தேவையான அளவு
தேங்காய்- 1/4 கப்
கொத்தமல்லி இலை- சிறிதளவு
செய்முறை
ஒரு கடாயில் தேங்காய் எண்ணெய் சேர்த்து எண்ணெய் காய்ந்ததும் அதில் கடுகு சேர்க்க வேண்டும். கடுகு பொரிந்ததும் அதனுடன் கடலைப்பருப்பு, சோம்பு, வரமிளகாய், கருவேப்பிலை சேர்த்து வறுக்க வேண்டும். பின்னர் இதனுடன் சிறிதாக நறுக்கிய சின்ன வெங்காயத்தை சேர்த்து வதக்க வேண்டும். வெங்காயம் வதங்கிய பின்னர் இதனுடன் ஒரு தக்காளி சேர்த்து வதக்க வேண்டும்.
தக்காளி மசிந்து வெந்ததும் இதனுடன் மசாலா பொருட்களை சேர்க்க வேண்டும். அடுப்பு தீயை லோ பிளேமில் வைத்து மஞ்சள் தூள், மல்லி தூள், மிளகாய் தூள் மற்றும் கரம் மசாலா சேர்த்து மசாலாவின் பச்சை வாடை நீங்கும் வரை இதனுடன் சிறிது தண்ணீர் சேர்த்து வதக்க வேண்டும். பின்னர் இதனுடன் சிறிய துண்டுகளாக நறுக்கி வைத்த பீர்க்கங்காயை சேர்த்து நன்கு கிளறி விட வேண்டும்.
இப்பொழுது கிரேவிக்கு தேவையான அளவு உப்பு சேர்த்து கிரேவியை மூடி போட்டு மூடி நான்கு நிமிடம் வேக வைக்க வேண்டும். பின்னர் ஒரு மிக்ஸி ஜாரில் தேங்காய் சேர்த்து நன்கு மை போல் அரைத்து எடுத்துக் கொள்ள வேண்டும். அரைத்த தேங்காயை பீர்க்கங்காய் கிரேவியுடன் சேர்த்து நன்கு கலந்து விட வேண்டும். கிரேவியை நன்கு வேகவைத்து காய் வெந்த பின்னர் இறுதியாக சிறிது கொத்தமல்லி இலைகள் சேர்த்து இறக்கவும். இட்லி, தோசை, ஆப்பம், சாதம் போன்ற அனைத்துடனும் சேர்த்து சாப்பிடக்கூடிய சுவையான பீர்க்கங்காய் கிரேவி தயார்.
இதையும் படிங்க : ஹெல்தியான கோவை ஸ்பெஷல் பச்சை பயறு குழம்பு செய்வது எப்படி?
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
திராவிடன் டைம்ஸ்.காம் (www.dravidantimes.com) ஆன்லைன் செய்தித்தளம் ஆகஸ்ட் 18 2024ல் தொடங்கப்பட்டது. தமிழ்நாடு, இந்தியா, சர்வதேசம், வணிகம், லைஃப்ஸ்டைல், சினிமா, ஆன்மிகம், தொழில்நுட்பம், கல்வி மற்றும் வேலைவாய்ப்பு என பலதரப்பட்ட செய்திகளை பக்கச்சார்பின்றி வெளியிடுகிறது.
© 2024 dravidantimes.com – developed and designed by Thirdvizion.com
