சுடச்சுடச் சுவையான ஆட்டுக்கால் சூப்.. எப்படி செய்வது தெரியுமா?

Food: ஆட்டுக்கால் சூப்பு இந்த மாதிரி செய்து பாருங்க குழந்தைகள் முதல் பெரியவர்கள் வரை அனைவரும் விரும்பி சாப்பிடுவாங்க.

ஆட்டுக்கால் சூப்

ByPushpa Gopinath

Published on: March 27, 2025 at 11:26 am

பாய் வீட்டில் செய்வது போன்று சுவையான ஆட்டுக்கால் சூப் எப்படி செய்யலாம் என்று பார்க்கலாம்.

தேவையான பொருட்கள்

ஆட்டுக்கால் – 4
மஞ்சள் தூள் -½ டீஸ்பூன்
சின்ன வெங்காயம் -20
பூண்டு -10 பல்லு
தக்காளி -3
கொத்தமல்லி இலை- ஒரு கைப்பிடி அளவு
மிளகாய் -2
சீரகம் – 1 ஸ்பூன்
மிளகு -1 ஸ்பூன்
மஞ்சள் தூள் -1 ஸ்பூன்
உப்பு -1 ஸ்பூன்
தண்ணீர் – தேவையான அளவு

செய்முறை

முதலில் ஆட்டுக்காலின் மேலே உள்ள முடிகளை நெருப்பில் வாட்டி நீக்கி விட வேண்டும். ஆட்டுக்காலில் மீதுள்ள முடிகள் முற்றிலுமாக நீக்கிய பின்னர் நான்கு ஐந்து முறை நன்கு கழுவி சுத்தம் செய்ய வேண்டும். இறுதியாக மஞ்சள் மற்றும் உப்பு சேர்த்து கழுவி எடுத்துக் கொள்ளவும். ஒரு குக்கரில் நறுக்கிய சின்ன வெங்காயம் மற்றும் பூண்டு பற்களை தட்டி சேர்த்துக் கொள்ளவும்.

சின்ன வெங்காயத்திற்கு பதிலாக பெரிய வெங்காயமும் சேர்த்துக் கொள்ளலாம். பெரிய வெங்காயம் சேர்ப்பதாக இருந்தால் ஒரு வெங்காயத்தை பொடியாக நறுக்கி சேர்க்கவும். பின்னர் இதனுடன் நறுக்கிய தக்காளி, ஒரு கைப்பிடி அளவு கொத்தமல்லி இலை, இரண்டு பச்சை மிளகாய், தட்டிய சீரகம், மிளகு, மஞ்சள் தூள் உப்பு மற்றும் தேவையான அளவு தண்ணீர் சேர்க்கவும்.

இதையும் படிங்க : ஸ்பெஷலான ஸ்பானிஷ் ஆம்லெட் ; முட்டையை இப்படி செஞ்சு பாருங்க ; சுவை அள்ளும்!

தண்ணீர் எண்ணிக்கையை பொறுத்து சேர்த்துக் கொள்ளவும். பின்னர் குக்கரை மூடி 15 விசில் வைக்கவும். விசில் வந்த பின்னர் குக்கரில் உள்ள ஆவி முழுவதுமாக வெளியேறியதும் மூடியை திறக்கவும். இப்போது சுவையான ஆட்டுக்கால் சூப்பு தயார்.

இதையும் படிங்க : நான்வெஜ் பிரியர்களுக்கு செம்ம டிரீட்.. மட்டன் கோலா உருண்டை இப்டி செஞ்சு பாருங்க..சுவை நாக்கிலேயே நிற்கும்!