துபாய் இளவரசருக்கு மகள் பிறந்தாள்.. பெயர் என்ன தெரியுமா?

Dubai Crown Prince: துபாயின் பட்டத்து இளவரசர் ஷேக் ஹம்தான் தனது நான்காவது குழந்தையை வரவேற்றுள்ளார். இந்தக் குழந்தைக்கு ஹிந்த் எனப் பெயரிடப்பட்டுள்ளது.

துபாய் பட்டத்து இளவரசர் ஷேக் ஹம்தான் பின் முகமது

ByLeela Sankar

Published on: March 27, 2025 at 11:15 am

துபாய், மார்ச் 27 2025: ஐக்கிய அரபு அமீரகத்தின் துபாய் இளவரசர் ஷேக் ஹம்தான் பின் முகமது தனது நான்காவது குழந்தையான ஹிந்த் பின்த் ஹம்தான் பின் முகமது அல் மக்தூம் என்ற மகளைப் பெற்றெடுத்ததாக அறிவித்தார்.

இது குறித்து, இன்ஸ்டாகிராமில் செய்தியைப் பகிர்ந்துகொண்டு, “ஓ அல்லாஹ், அவளுக்கு உனது அன்பினால் நிறைந்த இதயத்தையும், உன்னை நினைவுகூரும் நாவையும் கொடு எனத் தெரிவித்துள்ளார்.

தொடர்ந்து, உனது ஒளியிலும் வழிகாட்டுதலிலும் அவளை அதிகப்படுத்தி அவளுக்கு ஆரோக்கியம் மற்றும் நல்வாழ்வு என்ற ஆடைகளை அணிவிப்பாயாக” எனத் தெரிவித்துள்ளார். ‘ஹிந்த்’ என்ற பெயர் ஷேக் ஹம்தானின் தாயார், துபாய் ஆட்சியாளரான ஷேக் முகமது பின் ரஷீத் அல் மக்தூமின் மனைவி ஷேக் ஹிந்த் பின்த் மக்தூமைக் கௌரவிக்கிறது.

ஷேக் ஹம்தான் மே 2021 இல் ரஷீத் மற்றும் ஷேக்கா என்ற இரட்டையர்களையும், பிப்ரவரி 2023 இல் அவரது மகன் முகமதுவையும் பெற்றெடுத்தார். ஷேக் ஹம்தான் 2008 முதல் துபாயின் பட்டத்து இளவரசராக இருந்து வருகிறார். அவர் ஐக்கிய அரபு எமிரேட்ஸின் துணைப் பிரதமராகவும் பாதுகாப்பு அமைச்சராகவும் என்பது குறிப்பிடத்தக்கது.

இதையும் படிங்க : தென் கொரியாவில் பயங்கர தீ: இதுவரை 24 பேர் உயிரிழப்பு!