முதல் நாள் பள்ளி.. மாணவர்களுக்கு இனிப்பு வழங்கி, உணவருந்திய அமைச்சர் ஜெகதீஸ்வரி!

TN Minister Joins School Kids : சென்னையில் உள்ள அரசுப் பள்ளியில் சமூக நலன் மற்றும் மகளிர் அதிகாரமளித்தல் அமைச்சர் ஜெகதீஸ்வரி திடீர் ஆய்வு மேற்கொண்டார்.

மாணவர்களுடன் அமர்ந்து உணவருந்திய அமைச்சர் ஜெகதீஸ்வரி

ByPushpa Gopinath

Published on: June 5, 2026 at 12:05 pm

சென்னை, ஜுன் 5, 2026: சென்னையில் புதிய கல்வியாண்டு தொடங்கிய முதல் நாளில் (நேற்று), சமூக நலன் மற்றும் மகளிர் அதிகாரமளிப்பு துறை அமைச்சர் கே. ஜெகதேஸ்வரி திடீர் ஆய்வு மேற்கொண்டார். சென்னை மாநகராட்சி பள்ளிகளில் நடைபெறும் முதலமைச்சர் காலை உணவு திட்டத்தின் செயல்பாட்டை நேரடியாக பார்வையிட்டார். மாணவர்களுடன் உரையாடி, இனிப்புகள் வழங்கி, அவர்களுக்கே உணவு பரிமாறினார்.

அமைச்சர் அமின்ஜிகரை நடுநிலைப் பள்ளி மற்றும் ஷெனாய் நகர் சுப்பராயன் தெருவிலுள்ள மேல்நிலைப் பள்ளியைப் பார்வையிட்டார். அங்கு மாணவர்களுடன் கலந்துரையாடி, இனிப்புகள் வழங்கி, காலை உணவை பரிமாறினார். உணவின் தரத்தை உறுதிப்படுத்த அவர் நேரடியாக சுவைத்தும், அதிகாரிகளுக்கு தரம், சுவை மற்றும் சுத்தம் ஆகியவை கண்டிப்பாக பின்பற்றப்பட வேண்டும் என அறிவுறுத்தினார்.

மேலும், பள்ளிகளில் சேமித்து வைக்கப்பட்டிருந்த உணவுப் பொருட்களின் எடை மற்றும் தரத்தை ஆய்வு செய்து, பதிவேடுகளைச் சரிபார்த்தார். புதிய கல்வியாண்டை முன்னிட்டு மாணவர்களுக்கு இலவசமாக பாடப்புத்தகங்கள், யூனிஃபார்ம், நோட்டுப் புத்தகங்கள், காலணிகள் மற்றும் பள்ளிப்பைகள் வழங்கினார்.

பள்ளி ஆய்வுக்குப் பிறகு, அமைச்சர் அமின்ஜிகரை அங்கன்வாடி மையத்தையும் பார்வையிட்டார். அங்கு தினசரி நடைபெறும் பணிகளை கண்காணித்து, ஊட்டச்சத்து உணவுகள் முறையாக வழங்கப்பட வேண்டும் என பணியாளர்களுக்கு அறிவுறுத்தினார். அனைத்து வசதிகளிலும் சுத்தம் மற்றும் சுகாதாரம் கடைப்பிடிக்கப்பட வேண்டும் என்பதையும் வலியுறுத்தினார்.

இதையும் படிங்க : தமிழ்நாட்டில் என்ஜினீயரிங் சேர்க்கை.. 3 லட்சம் பேர் விண்ணப்பம்.. கவுன்சிலிங் எப்போது?