வங்கக்கடலில் இன்று புயல் உருவாக வாய்ப்பு: 9 துறைமுகங்களில் எச்சரிக்கை கூண்டு ஏற்றம்!

Bay of Bengal Cyclone Warning: வங்கக்கடலில் இன்று புயல் உருவாக வாய்ப்பு ஏற்பட்டுள்ளது; முன்னெச்சரிக்கை நடவடிக்கையாக 9 துறைமுகங்களில் எச்சரிக்கை கூண்டு ஏற்றப்பட்டுள்ளது.

Published on: November 16, 2026 at 11:53 am

சென்னை, நவ.16, 2026: தென்கிழக்கு வங்கக்கடலில் நிலவி வரும் காற்றழுத்த தாழ்வுப் பகுதி, இன்று (நவ.16) மாலை புயலாக வலுப்பெற வாய்ப்புள்ளதாக இந்திய வானிலை ஆய்வு மையம் தெரிவித்துள்ளது. இது தொடர்ந்து வலுப்பெற்று நவம்பர் 17-ம் தேதி தீவிரப் புயலாக மாறக்கூடும் எனக் கணிக்கப்பட்டுள்ளது.

இதையடுத்து முன்னெச்சரிக்கை நடவடிக்கையாக தமிழகத்தில் சென்னை, கடலூர், நாகப்பட்டினம், ராமேஸ்வரம், தூத்துக்குடி உள்ளிட்ட 9 துறைமுகங்களில் புயல் எச்சரிக்கை கூண்டு எண் 1 ஏற்றப்பட்டுள்ளது. புதுச்சேரி, காரைக்கால் துறைமுகங்களிலும் எச்சரிக்கை விடுக்கப்பட்டுள்ளது.

இந்த புயல் சின்னம் வடக்கு மற்றும் வடமேற்கு திசையில் நகர்ந்து, ஆந்திரப் பிரதேச கடற்கரையை நோக்கி நகரக்கூடும் என வானிலை ஆய்வு மையம் தெரிவித்துள்ளது. புயலின் நகர்வு மற்றும் கரையைக் கடக்கும் இடம் குறித்து தொடர்ந்து கண்காணிக்கப்பட்டு வருகிறது.

இதற்கிடையே, மீனவர்கள் ஆழ்கடலுக்குச் செல்ல வேண்டாம் என்றும், கடலில் உள்ள மீன்பிடிப் படகுகளைப் பாதுகாப்பாகக் கரைக்குக் கொண்டுவருமாறும் அறிவுறுத்தப்பட்டுள்ளனர். கடல் சீற்றத்துடன் காணப்பட வாய்ப்புள்ளதால் மீனவர்கள் எச்சரிக்கையுடன் இருக்குமாறு அறிவுறுத்தப்பட்டுள்ளது.

இதையும் படிங்க :கள்ளக்குறிச்சி விவகாரம்: தலைமைச் செயலர், டிஜிபிக்கு ஆளுநர் அழைப்பு!

திராவிடன் டைம்ஸின் செய்திகளை உடனுக்குடன் தெரிந்துக்கொள்ள

வாட்ஸ்அப்

இன்ஸ்டாகிராம்

ட்விட்டர்

Share Article:

Join the family!

Sign up for a Newsletter.

You have been successfully Subscribed! Ops! Something went wrong, please try again.
Edit Template

About

திராவிடன் டைம்ஸ்.காம் (www.dravidantimes.com) ஆன்லைன் செய்தித்தளம் ஆகஸ்ட் 18 2024ல் தொடங்கப்பட்டது. தமிழ்நாடு, இந்தியா, சர்வதேசம், வணிகம், லைஃப்ஸ்டைல், சினிமா, ஆன்மிகம், தொழில்நுட்பம், கல்வி மற்றும் வேலைவாய்ப்பு என பலதரப்பட்ட செய்திகளை பக்கச்சார்பின்றி வெளியிடுகிறது.

 

© 2024 dravidantimes.com – developed and designed by Thirdvizion.com