‘நாங்கள் இந்த வெற்றிக்கு தகுதியானவர்கள்’.. ஹாக்கி கேப்டன் சலிமா டெடே!

Salima Dede: இந்திய மகளிர் ஹாக்கி அணி ஆசிய விளையாட்டுப் போட்டியில் 44 ஆண்டுகளுக்குப் பிறகு தங்கப் பதக்கம் வென்றுள்ளது.

ஹாக்கி இந்திய அணி கேப்டன் சலிமா டெடே

ByPunitha Rajesh

Published on: October 6, 2026 at 3:16 pm

புதுடெல்லி, அக்.6, 2026: இந்திய மகளிர் ஹாக்கி அணி ஆசிய விளையாட்டுப் போட்டியில் 44 ஆண்டுகளுக்குப் பிறகு தங்கப் பதக்கம் வென்றுள்ளது. ஜப்பானில் நடைபெற்ற இறுதிப்போட்டியில் நடப்பு சாம்பியனான சீனாவை 1-0 என்ற கோல் கணக்கில் இந்திய அணி வீழ்த்தியது. இந்த வெற்றியின் மூலம் 1982ஆம் ஆண்டுக்குப் பிறகு முதல்முறையாக இந்திய மகளிர் அணி ஆசிய விளையாட்டுப் போட்டியில் ஹாக்கி தங்கத்தை கைப்பற்றியது.

இந்த வெற்றி குறித்து இந்திய அணியின் கேப்டன் சலிமா டெடே, தங்கள் அணி இந்த வெற்றிக்கு தகுதியானது என்று தெரிவித்தார். சீனா வலுவான அணியாக இருந்தபோதிலும், தங்கள் வீராங்கனைகள் மீது முழு நம்பிக்கை இருந்ததாகவும், ஒரு கோல் முன்னிலையை இறுதிவரை சிறப்பாக தற்காத்து தங்கப் பதக்கத்தை வென்றது பெருமையான தருணம் என்றும் அவர் கூறினார்.

இறுதிப்போட்டியில் 10-வது நிமிடத்தில் லால்ரெம்சியாமி அடித்த கோல் இந்தியாவுக்கு முன்னிலை பெற்றுத் தந்தது. பின்னர் சீனா தொடர்ந்து தாக்குதல் நடத்தினாலும், இந்திய அணியின் தடுப்பாட்டம் சிறப்பாக அமைந்தது. குறிப்பாக கோல் கீப்பர் சவிதா புனியா பெனால்டி ஸ்ட்ரோக்கை தடுத்து அணியின் வெற்றியை உறுதி செய்தார்.

இந்த தங்கப் பதக்கத்தின் மூலம் இந்திய மகளிர் ஹாக்கி அணி 2028 லாஸ் ஏஞ்சல்ஸ் ஒலிம்பிக் போட்டிக்கும் நேரடியாக தகுதி பெற்றுள்ளது. அணியின் கடின உழைப்பும் ஒற்றுமையும் இந்த வெற்றிக்கு முக்கிய காரணமாக அமைந்ததாக வீராங்கனைகள் தெரிவித்துள்ள நிலையில், அடுத்த ஒலிம்பிக் போட்டிக்காக அணியின் குறைகளை சரிசெய்து தயாராகப் போவதாகவும் கூறியுள்ளனர்.

இதையும் படிங்க : சீன ஓபன் டென்னிஸ்.. அரினா சபலென்கா அதிர்ச்சி தோல்வி