52 வயதில் இளமையான தோற்றம்.. முதலமைச்சர் விஜயின் உணவு இரகசியம் என்ன?

Vijay fitness: விஜய் கடுமையான உணவுக் கட்டுப்பாட்டை பின்பற்றுவதற்கு பதிலாக, வீட்டில் தயாரிக்கப்படும் உணவுகளை அளவோடு சாப்பிடுவதில் கவனம் செலுத்துவதாக தகவல் வெளியாகியுள்ளது.

முதலமைச்சர் விஜய்

ByPushpa Gopinath

Published on: September 29, 2026 at 12:27 pm

சென்னை, செப்.29, 2026: நடிகரும் தமிழக முதலமைச்சருமான விஜய் தனது உடல்தகுதியை தொடர்ந்து பராமரித்து வருகிறார். 52 வயதிலும் தனது உடல் ஆரோக்கியத்தையும் தோற்றத்தையும் கட்டுக்கோப்பாக வைத்திருப்பதற்கான உணவுமுறை குறித்து அவரது உடற்பயிற்சி பயிற்சியாளர் நரேஷ் குமார் தகவல்களை பகிர்ந்துள்ளார்.

விஜய் கடுமையான உணவுக் கட்டுப்பாட்டை பின்பற்றுவதற்கு பதிலாக, வீட்டில் தயாரிக்கப்படும் உணவுகளை அளவோடு சாப்பிடுவதில் கவனம் செலுத்துவதாக அவர் தெரிவித்துள்ளார். பரபரப்பான அரசியல் நிகழ்ச்சிகள் மற்றும் பிரசாரப் பயணங்களின்போதும் வெளியே கிடைக்கும் உணவுகளை தவிர்த்து, தனக்கான உணவை எடுத்துச் செல்வதாகவும் கூறப்பட்டுள்ளது.

விஜயின் காலை உணவு பொதுவாக இரண்டு இட்லி மற்றும் முட்டைகளை கொண்டதாக இருப்பதாக நரேஷ் குமார் தெரிவித்துள்ளார். கடந்த காலங்களில் திரைப்படங்களுக்கான உடல் தயாரிப்பின்போது, காலை உணவில் காய்கறிகளும் சேர்க்கப்பட்டதாக தகவல் வெளியாகியுள்ளது. விஜய் அதிகாலையிலேயே எழும் பழக்கம் கொண்டவர் என்றும், பொதுவாக காலை 5.30 மணி முதல் 6 மணிக்குள் எழுந்துவிடுவார் என்றும் அவரது பயிற்சியாளர் தெரிவித்துள்ளார். உணவுகளை முழுமையாக தவிர்ப்பதை விட, தனக்கு பிடித்த உணவுகளையும் குறைந்த அளவில் எடுத்துக்கொள்வதே அவரது அணுகுமுறை என கூறப்படுகிறது.

மதிய உணவில் விஜய்க்கு பிடித்த உணவுகளில் மட்டன் பிரியாணியும் ஒன்று என தெரிவிக்கப்பட்டுள்ளது. ஆனால், அவர் விரும்பிய உணவுகளை சாப்பிடும்போதும் அளவைக் கட்டுப்படுத்துவதாக பயிற்சியாளர் கூறியுள்ளார். அதேபோல், தென்னிந்திய இனிப்பு வகைகளையும் அவர் விரும்புவதாகவும், அவற்றையும் அளவோடு எடுத்துக்கொள்வதாகவும் தகவல் வெளியாகியுள்ளது. இரவு உணவு பொதுவாக எளிமையானதாகவும், அதிகப்படியான உணவை தவிர்ப்பதாகவும் கூறப்படுகிறது. இதன் மூலம் குறிப்பிட்ட உணவு வகைகளை முற்றிலும் தடை செய்வதைவிட, உணவின் அளவு மற்றும் தொடர்ச்சியான கட்டுப்பாட்டுக்கு முக்கியத்துவம் அளிப்பதாக தெரிகிறது.

விஜயின் உணவுமுறையில் வீட்டில் தயாரிக்கப்படும் உணவு, புரதச்சத்து நிறைந்த உணவுகள், அளவான உணவு மற்றும் ஜங்க் உணவுகளைத் தவிர்ப்பது ஆகியவை முக்கிய அம்சங்களாக குறிப்பிடப்பட்டுள்ளன. அவரது பயிற்சியாளர் முன்பு அளித்த பேட்டியிலும், விஜய் அனைத்து வகையான உணவுகளையும் சாப்பிடுவார்; ஆனால் குறைந்த அளவில் எடுத்துக்கொள்வார் என தெரிவித்திருந்தார். இதனுடன் தொடர்ந்து உடற்பயிற்சியையும் மேற்கொள்வதாக கூறப்படுகிறது. இருப்பினும், ஒரு பிரபலத்தின் தனிப்பட்ட உணவுமுறையை அனைவருக்கும் பொருந்தக்கூடிய உடல்நல ஆலோசனையாக எடுத்துக்கொள்ளாமல், வயது, உடல்நிலை மற்றும் உடற்பயிற்சி அளவுக்கு ஏற்ப தனிநபருக்கான உணவுமுறையை நிபுணர்களின் ஆலோசனையுடன் தேர்வு செய்வது முக்கியம்.

இதையும் படிங்க : காதலா? பாசப் பிணைப்பா? பயம் எப்படி குழப்புகிறது? ஓஷோ பதில்