இனப் படுகொலை, போர்க் குற்றங்களில் இருந்து பாதுகாப்பு.. இன்று உலக நீதி தினம்!

World Justice Day: சர்வதேச நீதிக்கான தினம் இன்று கடைபிடிக்கப்படுகிறது. இதன் நோக்கம் மற்றும் கருப்பொருள் என்ன?

சர்வதேச நீதிக்கான தினம்

ByPushpa Gopinath

Published on: July 17, 2026 at 11:16 am

புதுடெல்லி, ஜூலை 17, 2026: உலகம் முழுவதும் இன்று ‘சர்வதேச நீதிக்கான உலக தினம்’ கடைபிடிக்கப்படுகிறது. நீதியை ஆதரிக்கவும், பாதிக்கப்பட்டவர்களின் உரிமைகளை மேம்படுத்தவும், உலக அமைதி, பாதுகாப்பு மற்றும் நலனுக்கு அச்சுறுத்தல் விளைவிக்கும் குற்றங்களைத் தடுக்கவும் விரும்பும் அனைவரையும் ஒன்றிணைக்கும் நோக்கத்துடன் இந்த நாள் கொண்டாடப்படுகிறது.

இனப்படுகொலை, மனிதகுலத்திற்கு எதிரான குற்றங்கள், போர்க்குற்றங்கள் மற்றும் ஆக்கிரமிப்புக் குற்றங்கள் ஆகியவற்றிலிருந்து மக்களைப் பாதுகாப்பதை நோக்கமாகக் கொண்ட சர்வதேச குற்றவியல் நீதிமன்றத்தின் (ICC) அடிப்படை ஒப்பந்தமான ‘ரோம் சட்டவிதி’ 1998 ஜூலை 17 அன்று ஏற்றுக்கொள்ளப்பட்டது. அதனை நினைவுகூரும் வகையில் ஒவ்வொரு ஆண்டும் இந்த நாள் உலகளவில் அனுசரிக்கப்படுகிறது.

இந்த தினம், உலகளாவிய அளவில் நீதியை நிலைநிறுத்தும் முயற்சிகளுக்கு ஆதரவு அளிக்கும் ஒரு வாய்ப்பாகும். சர்வதேச குற்றவியல் நீதிமன்றம், மனித உரிமைகள் மீறப்படாமல் பாதுகாக்கப்படுவதை உறுதி செய்யும் வகையில், பல்வேறு நாடுகளின் ஒத்துழைப்பை வலியுறுத்துகிறது.

சர்வதேச நீதிக்கான உலக தினம், உலக மக்களை நீதியின் முக்கியத்துவத்தை உணர்த்தி, குற்றங்களைத் தடுக்கும் முயற்சிகளில் பங்கெடுக்க ஊக்குவிக்கிறது. இது உலக அமைதி மற்றும் மனிதகுல நலனுக்கான ஒருங்கிணைந்த முயற்சியின் அடையாளமாகவும் விளங்குகிறது.

இதையும் படிங்க : புற்றுநோய் பாதிப்பு 35 மில்லியனாக உயரும்.. உலக சுகாதார அமைப்பு!