மறைந்த இயக்குனர் கே. பாக்யராஜின் கண்கள் தானம்.. கடைசி ஆசையை நிறைவேற்றிய குடும்பம்!

K. Bhagyaraj: மறைந்த இயக்குனர் கே பாக்யராஜின் கண்கள் தானமாக வழங்கப்பட்டன.

மறைந்த இயக்குனர் கே பாக்யராஜ்

ByPushpa Gopinath

Published on: June 28, 2026 at 5:55 pm

Updated on: June 28, 2026 at 6:08 pm

சென்னை ஜூன் 28, 2026; தமிழ்த் திரையுலகின் முன்னணி இயக்குநரும் நடிகருமான கே. பாக்யராஜ் அவர்களின் இறுதி விருப்பம் நிறைவேற்றப்பட்டுள்ளது. 73 வயதில் காலமான அவரின் கண்கள், குடும்பத்தினரால் தானம் செய்யப்பட்டன. இதன் மூலம், அவர் வாழ்நாளில் காட்டிய மனிதநேயம், மறைவுக்குப் பின்பும் சமூகத்திற்கு பயனளிக்கிறது.

அவரது உடல் நுங்கம்பாக்கத்தில் உள்ள இல்லத்தில் வைக்கப்பட்டு, குடும்பத்தினர், உறவினர்கள், திரையுலகப் பிரபலங்கள் மற்றும் ரசிகர்கள் அனைவரும் வந்து இறுதி அஞ்சலி செலுத்தி வருகின்றனர். தமிழ் சினிமாவில் தனித்துவமான வசனங்கள், நகைச்சுவை உணர்வு, பன்முகத் திறமைகள் மூலம் ரசிகர்களின் மனதில் இடம் பிடித்தவர் என்பதால், அவரது மறைவு பெரும் துயரத்தை ஏற்படுத்தியுள்ளது.

பாக்யராஜ், இயக்குநராகவும், நடிகராகவும், எழுத்தாளராகவும், தயாரிப்பாளராகவும், இசையமைப்பாளராகவும், பத்திரிகையாளராகவும், அரசியல்வாதியாகவும் பன்முகத் திறமைகளை வெளிப்படுத்தியவர். அவரின் படைப்புகள் தமிழ் சினிமாவின் வரலாற்றில் என்றும் நிலைத்திருக்கும். அவரது கண்கள் தானம் செய்யப்பட்டிருப்பது, சமூகத்திற்கு அவர் அளித்த இறுதி பரிசாகக் கருதப்படுகிறது.

திரையுலக பிரபலங்கள், அரசியல் தலைவர்கள், ரசிகர்கள் என பலரும் அவரது இல்லத்திற்கு வந்து அஞ்சலி செலுத்தி வருகின்றனர். “பாக்யராஜ் அவர்களின் மறைவு தமிழ் சினிமாவுக்கு பேரிழப்பு; ஆனால் அவரது கண்கள் தானம் செய்யப்பட்டிருப்பது, அவரின் மனிதநேயத்தை என்றும் நினைவூட்டும்” என பலரும் கருத்து தெரிவித்துள்ளனர்.

இதையும் படிங்க; தொப்பை கொழுப்பு அல்ல.. வேறு என்ன? ஃபிட்னெஸ் பயிற்சியாளர் தகவல்!