ஓணம் ஸ்பெஷல்… சென்னை – கேரளா இடையே சிறப்பு ரயில்கள் இயக்கம்!

Onam Special Trains : ஓணம் பண்டிகையை முன்னிட்டு, சென்னை, மங்களூரு, கொல்லம் மற்றும் திருவனந்தபுரம் இடையே பயணிகளின் வசதிக்காக தெற்கு ரயில்வே பல்வேறு சிறப்பு ரயில்களை இயக்குவதாக அறிவித்துள்ளது.

ஓணம் சிறப்பு ரயில்

BySaranya JK

Published on: July 12, 2026 at 2:57 pm

சென்னை, ஜூலை 12, 2026: ஓணம் பண்டிகையை முன்னிட்டு கேரளா நோக்கி பயணம் செய்யும் பயணிகளின் எண்ணிக்கை அதிகரிக்கும் என்பதால், தெற்கு ரயில்வே சிறப்பு ரயில்களை இயக்குவதாக அறிவித்துள்ளது.

இதன்படி, மங்களூரு – சென்னை எழும்பூர் இடையே ஜூலை 13, 20, 27, ஆகஸ்ட் 3, 10, 17, 24, 31 ஆகிய தேதிகளில் சிறப்பு ரயில்கள் இயக்கப்படும்.

அதேபோல் சென்னை எழும்பூர் – மங்களூரு இடையே ஜூலை 14, 21, 28, ஆகஸ்ட் 4, 11, 18, 25 மற்றும் செப்டம்பர் 1 ஆகிய தேதிகளில் சேவை வழங்கப்படும்.

மேலும், சென்னை சென்ட்ரல் – கொல்லம் இடையே ஆகஸ்ட் 12, 19, 26 மற்றும் செப்டம்பர் 2 ஆகிய தேதிகளில் ஓணம் சிறப்பு ரயில்கள் இயக்கப்படுகின்றன.

இதற்கு பதிலாக கொல்லம் – சென்னை சென்ட்ரல் இடையே ஆகஸ்ட் 13, 20, 27 மற்றும் செப்டம்பர் 3 ஆகிய தேதிகளில் சிறப்பு ரயில்கள் இயக்கப்படவுள்ளன.

அதேபோல், திருவனந்தபுரம் – தாம்பரம் இடையே ஆகஸ்ட் 12, 19, 26 மற்றும் செப்டம்பர் 2 ஆகிய தேதிகளில் சிறப்பு ரயில்கள் இயக்கப்படும்.

தாம்பரம் – திருவனந்தபுரம் இடையே ஆகஸ்ட் 13, 20, 27 மற்றும் செப்டம்பர் 3 ஆகிய தேதிகளில் பயணிகள் வசதிக்காக சிறப்பு சேவைகள் இயக்கப்படவுள்ளன.

ஓணம் பண்டிகையையொட்டி அதிகரிக்கும் பயணிகள் நெரிசலை சமாளிக்கும் நோக்கில் இந்த சிறப்பு ரயில் சேவைகள் அறிவிக்கப்பட்டுள்ளன.

பயணிகள் முன்கூட்டியே டிக்கெட்டுகளை முன்பதிவு செய்து பயணத்தை திட்டமிடுமாறு தெற்கு ரயில்வே அறிவுறுத்தியுள்ளது.

இதையும் படிங்க அரசு விழாக்களில் முதலில் மாநிலப் பாடல்.. மத்திய உள்துறை அமைச்சகத்தின் புதிய அறிவுறுத்தல்