ஏ.ஐ பயன்பாட்டில் முன்னிலை வகிக்கும் இந்தியா.. ஆசியாவிலேயே டாப்.. தரவுகள்

AI adoption: ஏ.ஐ பயன்பாட்டில் இந்தியா முன்னிலை வகிக்கிறது. சுமார் 55% பேர் நிறுவனங்களின் ஏ.ஐ ஏஜென்ட்களுடன் தொடர்பு கொள்ளத் தயாராக உள்ளனர்.

இந்தியாவில் ஏ.ஐ பயன்பாடு

ByPushpa Gopinath

Published on: June 25, 2026 at 6:41 pm

புதுடெல்லி, ஜூன் 25, 2026: இந்தியா ஆசிய-பசிபிக் பிராந்தியத்தில் செயற்கை நுண்ணறிவு (ஏ.ஐ) ஏஜென்ட் பயன்பாட்டில் முன்னிலை வகிக்கிறது. அடோப் (Adobe) வெளியிட்ட 2026 ஏ.ஐ மற்றும் டிஜிட்டல் டிரெண்ட்ஸ் அறிக்கையின்படி, இந்திய நுகர்வோரில் 60% பேர் தனிப்பட்ட ஏ.ஐ உதவியாளர்களை உருவாக்க விரும்புகின்றனர்; இது பிராந்தியத்தில் மிக உயர்ந்த அளவாகும்.

மேலும், இந்த அறிக்கையில், இந்தியா உலகளாவிய ஏ.ஐ பொருளாதாரத்தில் முக்கிய வளர்ச்சி சந்தையாக இருப்பதாகக் கூறப்பட்டுள்ளது. 7,000-க்கும் மேற்பட்ட நுகர்வோர் மற்றும் வணிகத் தலைவர்களின் கருத்துக்களை அடிப்படையாகக் கொண்ட ஆய்வில், இந்திய நுகர்வோர் ஏ.ஐ ஏஜென்ட்களை நேரடியாகப் பயன்படுத்துவதில் அதிக ஆர்வம் காட்டியுள்ளனர்.

சுமார் 55% பேர் நிறுவனங்களின் ஏ.ஐ ஏஜென்ட்களுடன் தொடர்பு கொள்ளத் தயாராக உள்ளனர். மேலும் 61% பேர் ஏ.ஐ ஏஜென்ட் மனித பிரதிநிதிகளுடன் தொடர்பு கொள்ள அனுமதிக்கத் தயார் எனத் தெரிவித்துள்ளனர்.

இந்திய நுகர்வோரின் 65% பேர் ஏற்கனவே ஏ.ஐ கருவிகளை தனிப்பட்ட தயாரிப்பு பரிந்துரைகளுக்குப் பயன்படுத்துகின்றனர், மேலும் 60% பேர் உடனடி வாடிக்கையாளர் சேவைக்காக ஏ.ஐ-யை நம்புகின்றனர்.
அதேபோல், 62% பேர் AI அடிப்படையிலான ‘விர்ச்சுவல் கன்சியர்ஜ்’ மூலம் ஷாப்பிங் செய்யத் தயாராக உள்ளனர். இது, இந்தியாவில் ஏ.ஐ நுகர்வோர் செலவின பழக்கவழக்கங்களில் மையமாக மாறி வருவதை காட்டுகிறது.

ஆனால், வணிக நிறுவனங்கள் இன்னும் முழுமையான அளவில் ஏ.ஐ ஏஜென்ட்களை செயல்படுத்துவதில் பின்தங்கியுள்ளன. 10% பிராண்டுகள் மட்டுமே வாடிக்கையாளர் சேவைக்காக ஏ.ஐ ஏஜென்ட்களை பயன்படுத்துகின்றன. மேலும் 7% நிறுவனங்கள் மட்டுமே மார்க்கெட்டிங் உள்ளடக்க உருவாக்கத்தில் ஏ.ஐ-யை விரிவாகப் பயன்படுத்துகின்றன என்பது குறிப்பிடத்தக்கது.

இதையும் படிங்க : இனி ஸ்டோரி போட்ட பிறகும் எடிட் பண்லாம்.. இன்ஸ்டாவில் புது அப்டேட்.. செக் பண்ணி பாருங்க!