ஒரே ஓவரில் 6 விக்கெட் வீழ்த்திய சிறுவன்.. கிரிக்கெட்டில் மிக அரிதான நிகழ்வு!

6 Wickets In 6 Balls: கிரிக்கெட் போட்டியில் சிறுவன் ஒருவர் ஒரே ஓவரில் 6 விக்கெட் வீழ்த்தியுள்ளார்.

6 விக்கெட் வீழ்த்திய சிறுவன்

ByPunitha Rajesh

Published on: June 25, 2026 at 6:16 pm

லண்டன், ஜூன் 25, 2026: தந்தையர் தினத்தன்று 9 வயது சிறுவன் ரோஹன், கிரிக்கெட் உலகில் அரிதாகவே நிகழக்கூடிய ஒரு சாதனையை நிகழ்த்தியுள்ளார். கேம்பிரிட்ஜுக்கு அருகிலுள்ள கிரேட் ஷெல்ஃபோர்ட் கிரிக்கெட் கிளப்பின் 9 வயதுக்கு உட்பட்டோருக்கான அணிக்காக விளையாடிய அவர், ஹிஸ்டன் அணிக்கு எதிரான ஆட்டத்தில் ஒரே ஓவரில் ஆறு பந்துகளில் ஆறு விக்கெட்டுகளை வீழ்த்தினார்.

எந்த ரன்னும் கொடுக்காமல் ‘மெய்டன்’ ஓவரில் இந்தச் சாதனையை நிகழ்த்தியதால், அவரது அணி 26 ரன்கள் வித்தியாசத்தில் வெற்றி பெற்றது.

ரோஹனின் பந்துவீச்சை எதிர்கொள்வதே முடியாத காரியமாக இருந்தது. “நான் என் பள்ளி அணிக்காகவும் கிரேட் ஷெல்ஃபோர்ட் அணிக்காகவும் விளையாடுகிறேன். சுமார் ஏழு வயதாக இருந்தபோது இதில் இணைந்தேன். இது அரிதாகவே நிகழக்கூடிய ஒன்று,” என்று ரோஹன் பிபிசியிடம் கூறினார். அவரது அசாதாரண ஆட்டத்தால் அவர் ‘ஆட்ட நாயகன்’ விருதையும் வென்றார்.

இந்தச் சாதனை தந்தையர் தினத்தன்று நிகழ்ந்தது குறிப்பிடத்தக்கது. மைதானத்தில் மகன் அந்த மாயாஜால தருணங்களை உருவாக்கியபோது, அவரது தந்தை நரேன் நேரில் பார்த்துக்கொண்டிருந்தார். “இவ்வளவு இளம் வயதில் ஒரு விக்கெட்டை வீழ்த்துவதே பெரிய சாதனை. ஆனால் அடுத்தடுத்து விக்கெட்டுகள் விழுந்தபோது நான் மிகவும் பெருமைப்பட்டேன்,” என்று நரேன் மகிழ்ச்சியுடன் தெரிவித்தார்.

இதையும் படிங்க : ஃபிஃபா உலகக் கோப்பை.. ஜோர்டானை வீழ்த்திய அல்ஜீரியா