நாட்டை உலுக்கிய பாலியல் வழக்கு.. 42 நாள் தேடலுக்கு பின் நிதா கான் கைது!

Nida Khan Arrested: டி.சி.எஸ் நாசிக் பாலியல் தொந்தரவு வழக்கில், 42 நாட்கள் தேடலுக்குப் பிறகு நிதா கான் கைது செய்யப்பட்டுள்ளார்.

நிதா கான்

ByPushpa Gopinath

Published on: May 8, 2026 at 11:52 am

மும்பை, மே 8, 2026: டாடா கன்சல்டன்சி சர்வீசஸ் (டி.சி.எஸ்) நாசிக் கிளையில் நடந்த பாலியல் தொந்தரவு வழக்கில் முக்கிய குற்றவாளி எனக் குற்றம் சாட்டப்பட்ட நிதா கான், 42 நாட்கள் நீண்ட தேடலுக்குப் பிறகு போலீசாரால் கைது செய்யப்பட்டார்.

இந்த வழக்கு, நிறுவனத்தின் பணியாளர் பாதுகாப்பு மற்றும் வேலை இட ஒழுங்கு குறித்து பெரும் விவாதத்தை ஏற்படுத்தியது.

வழக்கின் பின்னணி

நாசிக் டி.சி.எஸ் அலுவலகத்தில் பணியாற்றிய சில பெண்கள், நிதா கான் மீது பாலியல் தொந்தரவு குற்றச்சாட்டுகளை முன்வைத்தனர். இந்தப் புகார் அளிக்கப்பட்டதும், போலீசாரின் கைது மற்றும் விசாரணை நடவடிக்கைக்கு பயந்து அவர் திடீரென மாயமாகிவிட்டார். இதனால், போலீசார் மாநிலம் முழுவதும் தேடுதல் நடவடிக்கை மேற்கொண்டனர்.

போலீஸ் நடவடிக்கை

இந்நிலையில், 42 நாட்கள் நீண்ட தேடலுக்குப் பிறகு, நிதா கான் கைது செய்யப்பட்டார். இது குறித்து போலீசார் கூறுகையில், “அவரை கைது செய்வது சவாலானதாக இருந்தது. பல இடங்களில் அவர் தங்கியிருந்தார். இறுதியில், நம்பகமான தகவலின் அடிப்படையில் அவரை பிடிக்க முடிந்தது” என்றனர்.
இந்த வழக்கு, பெரிய நிறுவனங்களில் பணியாளர் பாதுகாப்பு, பாலியல் தொந்தரவு தடுப்பு சட்டங்கள் மற்றும் ஹெச்.ஆர் துறையின் பொறுப்புகள் குறித்து மீண்டும் கேள்விகளை எழுப்பியுள்ளது குறிப்பிடத்தக்கது.

இதையும் படிங்க : கேரளத்தில் யார் CM? காங்கிரஸ் வேணுகோபால், சதீசன் தரப்பு தீவிரம்!