திருச்செந்தூரில் திடீரென உள்வாங்கிய கடல்.. பக்தர்களுக்கு போலீசார் எச்சரிக்கை!

Tiruchendur : திருச்செந்தூரில் இன்று (சனிக்கிழமை) காலை கடல் திடீரென சுமார் 70 அடி தூரத்திற்கு உள்வாங்கியது.

திருச்செந்தூரில் உள்வாங்கிய கடல்

ByPushpa Gopinath

Published on: May 2, 2026 at 4:48 pm

தூத்துக்குடி, மே 2, 2026: திருச்செந்தூரில் இன்று காலை கடல் திடீரென சுமார் 70 அடி தூரத்திற்கு உள்வாங்கி காணப்பட்டது. இதனால், பாசி படர்ந்த பாறைகள் வெளிப்பட்டன; பக்தர்கள் அதிர்ச்சியடைந்தனர். இந்நிலையில், கோவில் நிர்வாகம் மற்றும் காவல்துறை, பக்தர்கள் பாதுகாப்பாக நீராடுமாறு அறிவுறுத்தியுள்ளது.

திருச்செந்தூரில் கடல் திடீரென 70 அடி தூரம் வரை உள்வாங்கியதால், வழக்கமாக நீரில் மூழ்கியிருக்கும் பாசி படர்ந்த பாறைகள் மற்றும் மணல் திட்டுகள் வெளிப்பட்டன.
திருச்செந்தூரைப் பொறுத்தமட்டில் ஆயிரக்கணக்கான பக்தர்கள் கோவிலுக்கு வந்து, கடலில் புனித நீராடி சாமி தரிசனம் செய்வது வழக்கம். இந்நிலையில், திடீர் கடல் உள்வாங்கல் காரணமாக, பக்தர்கள் அச்சத்துடன் இருந்தனர்.

இதற்கிடையில், சிலர் ஆபத்து அறியாமல் வெளிப்பட்ட பாறைகளின் அருகே நீராட முயன்றதால், காயம் ஏற்படும் அபாயம் இருந்தது. இதையடுத்து, கோவில் நிர்வாகம் மற்றும் காவல்துறை உடனடியாக அறிவுறுத்தி, பக்தர்கள் பாதுகாப்பான பகுதிகளில் மட்டுமே நீராடுமாறு கேட்டுக்கொண்டனர்.
மேலும், கடற்கரை பகுதிகளில் காவல்துறையினர் பாதுகாப்புப் பணியில் ஈடுபட்டு நிலைமையை தொடர்ந்து கண்காணித்து வருகின்றனர்.

இதையும் படிங்க : தமிழகம், புதுச்சேரியில் மழைக்கு வாய்ப்பு.. இந்திய வானிலை ஆய்வு மையம்!