ஹார்திக் பாண்ட்யாவின் காதலிக்கு மகன் இருக்கா? நெகிழ்ச்சி சம்பவம்!

Mahieka Sharma : ஹார்திக் பாண்ட்யாவின் காதலி மஹீகா ஷர்மா, வான்கடே ஸ்டேடியத்தில் அவரது மகன் அகஸ்த்யாவை புகைப்பட கலைஞர்களிடமிருந்து காத்தார்.

ஹார்திக் பாண்ட்யா உடன் காதலி மஹீகா ஷர்மா

ByPunitha Rajesh

Published on: April 4, 2026 at 4:21 pm

மும்பை, ஏப்.3, 2026: மும்பை வான்கடே கிரிக்கெட் ஸ்டேடியத்தில் ஹார்திக் பாண்ட்யாவுக்கு உற்சாகம் அளிக்க வந்திருந்த நடிகை மஹீகா ஷர்மா, தனது இளம் மகன் அகஸ்த்யாவுடன் காணப்பட்டார். இந்நிலையில், ஹார்திக் பாண்ட்யாவின் காதலி மஹீகா ஷர்மா, வான்கடே ஸ்டேடியத்தில் அவரது மகன் அகஸ்த்யாவை புகைப்பட கலைஞர்களிடமிருந்து காத்தார். இந்தச் சம்பவம் மார்ச் 30ஆம் தேதி நடந்துள்ளது. தற்போது இது வெளிச்சத்துக்கு வந்துள்ளது.

அதாவது, புகைப்படக்காரர்கள் அதிகமாக அணுகியபோது, “Disturb ho raha hai” என்று கூறி, மகனை பாதுகாத்த விதம் அனைவரின் கவனத்தையும் ஈர்த்தது. மும்பையின் வான்கடே ஸ்டேடியத்தில் 2026 இந்திய பிரீமியர் லீக் (IPL) போட்டியில் ஹார்திக் பாண்ட்யாவின் மும்பை இந்தியன்ஸ் அஜிங்க்யா ரஹானே தலைமையிலான கொல்கத்தா நைட் ரைடர்ஸை எதிர்கொண்டது.

ஆட்டத்தில் நடந்த அதிரடி தருணங்களைத் தாண்டி, ரசிகர்களின் கவனத்தை ஈர்த்தது மைதானத்திற்கு வெளியே நடந்த ஒரு சிறப்பு தருணம். அதில் ஹார்திக் பாண்ட்யாவின் காதலி, மாடல் மஹீகா ஷர்மா மற்றும் அவரது இளம் மகன் அகஸ்த்யா இடம்பெற்றனர்.

அவர்கள் ஸ்டேடியத்தில் உற்சாகமாகக் காட்சியளித்த விதம், போட்டி சூழ்நிலைக்கு தனித்துவமான அழகை சேர்த்தது. இந்நிலையில், ஞாயிற்றுக்கிழமை, ஹார்திக் பாண்ட்யாவின் மும்பை இந்தியன்ஸ், கொல்கத்தா நைட் ரைடர்ஸை 6 விக்கெட் வித்தியாசத்தில் வீழ்த்தி, IPL இல் நீண்ட காலமாக இருந்த ஒரு வினோதமான சாதனையை முறியடித்தது.

வான்கடே ஸ்டேடியத்தில் நடந்த இந்த ஆட்டத்தில், மும்பை இந்தியன்ஸ் 2012 ஏப்ரல் 4 அன்று சென்னை சூப்பர் கிங்ஸை 8 விக்கெட்டுகள் வித்தியாசத்தில் வென்றதிலிருந்து, IPL சீசனின் தொடக்கப் போட்டியில் முதல் முறையாக வெற்றி பெற்றது. இந்த வெற்றி, அணிக்கு புதிய சீசனின் தொடக்கத்தில் முக்கியமான மன உறுதியை வழங்கியது என்பது குறிப்பிடத்தக்கது.

இதையும் படிங்க: மாதவிடாய் காரணமாக.. பெண் நடுவரை விமர்சித்த நெய்மர்.. வெடித்த சர்ச்சை!