4 கோடி டிக்கெட்டுகள் விற்பனை.. துரந்தர் படம் செய்த சம்பவம்.. தங்கல் நிலை என்ன?

Dhurandhar box office record: தங்கல் உள்ளிட்ட பல்வேறு திரைப்படங்களின் சாதனையை துரந்தர் திரைப்படம் சப்தமின்றி முறியடித்துள்ளது.

துரந்தர் திரைப்பட காட்சி

BySaranya JK

Published on: February 4, 2026 at 2:49 pm

மும்பை, பிப்.4, 2026: ‘துரந்தர் 2’ வெளியீட்டு கவுண்டவுன் தொடங்கிய நிலையில், முதல் பாகம் பாக்ஸ் ஆபிஸில் சாதனைகள் படைத்து வருகிறது.

‘துரந்தர் 2’ டீசர் வெளியான நாளே, முதல் பாகம் இந்தியா முழுவதும் 4 கோடி (40 மில்லியன்) பார்வையாளர்களை எட்டிய பெரும் மைல்கல்லை கடந்தது. இந்திய சினிமா வரலாற்றில் இதை சாதித்த 19 படங்களில் ஒன்றாக ‘துரந்தர்’ இடம்பிடித்துள்ளது.
ரன்வீர் சிங் நடித்த இந்த படம் 2025 டிசம்பர் 5 அன்று ₹30 கோடி வசூலுடன் நல்ல தொடக்கத்தைப் பெற்றது.
இதற்கிடையில், 7வது வாரம் முடிவில், ஜனவரியில், படம் ₹800 கோடி நெட் (₹1,000 கோடி கிராஸ்) வசூலை எட்டியது. சராசரி டிக்கெட் விலை ₹250 எனக் கணக்கிடும்போது, ‘துரந்தர்’ இந்த வாரம் 4 கோடி பார்வையாளர்களை கடந்துவிட்டதாக வர்த்தக வட்டாரங்கள் மதிப்பிட்டுள்ளன.

2001-இல் ‘கதர்’ 5 கோடி பார்வையாளர்களை எட்டியதிலிருந்து, 24 ஆண்டுகளுக்குப் பிறகு இந்த சாதனையை எட்டிய முதல் பாலிவுட் படம் இதுவாகும். மேலும், ‘துரந்தர்’ இந்தியாவில் 4 கோடி பார்வையாளர்களை எட்டிய 19வது படமாகும்.
ஆதித்யா தரின் இந்த படம், அமீர் கானின் ‘தங்கல்’ (3.7 கோடி), ‘பிகே’ (3.5 கோடி), சன்னி டியோலின் ‘பார்டர்’ (3.7 கோடி), ஷாருக் கானின் ‘குச் குச் ஹோத்தா ஹை’ (3.5 கோடி), ‘கபி குஷி கபி கம்’ (3.1 கோடி) ஆகியவற்றை முந்தியுள்ளது. அதேபோல் தேவ் ஆனந்தின் ‘CID’ (3.1 கோடி), ராஜ்குமார் நடித்த ‘லைலா மஜ்னு’ (3.6 கோடி) போன்ற பழைய கிளாசிக் படங்களையும் முந்தியுள்ளது என்பது குறிப்பிடத்தக்கது.

இதையும் படிங்க: போலீஸ் இன்ஃபார்மர் ஹுசைன் ஷேக் பயோபிக்? ஓ ரோமியோ படத்துக்கு சிக்கல்!