அமெரிக்காவில் மு.க. ஸ்டாலின்; ஓடோடி வந்த நெப்போலியன்: உற்சாக வரவேற்பு

M K Stalin America Visit | தமிழ்நாட்டை 2030 ஆம் ஆண்டிற்குள் ஒரு டிரில்லியன் டாலர் பொருளாதாரமாக மாற்றும் இலக்கை முன்னெடுக்கும் முயற்சியில், முதலமைச்சர் மு.க. ஸ்டாலின் மற்றும் உயர்மட்ட அதிகாரி குழு, அமெரிக்கா சென்றுள்ளது.
இந்நிலையில் முதலீடுகளை ஈர்ப்பதற்காக அமெரிக்கா சென்றுள்ள தமிழ்நாடு முதலமைச்சர் மு.க. ஸ்டாலினுக்கு சான் ப்ரான்சிஸ்கோவில் உற்சாக வரவேற்பு அளிக்கப்பட்டது.

மு.க. ஸ்டாலினை தூதரக அதிகாரி கே. ஸ்ரீகர் ரெட்டி வரவேற்றார். ஸ்டாலினுடன் அவரது மனைவி துர்கா, தொழில்துறை அமைச்சர் டி.ஆர்.பி.ராஜா மற்றும் மூத்த அதிகாரிகள் தமிழகத்திற்கு முதலீடுகளை ஈர்க்கும் நோக்கில் இந்த இரண்டு வார பயணத்தில் கலந்துகொள்கிறார்கள்.

இதுகுறித்து எக்ஸ் தளத்தில் பதிவிட்டுள்ள முதலமைச்சர் ஸ்டாலின், “அமெரிக்கா, வாய்ப்புகளின் பூமி, தமிழ்நாட்டின் செழுமைக்கு ஆதரவை தேடுகிறது” என குறிப்பிட்டுள்ளார்.
அமெரிக்கா சென்ற மு.க. ஸ்டாலினை நடிகர் நெப்போலியன் சால்வை அணிவித்து வரவேற்றார்.

மு.க ஸ்டாலின் தனது பயணத்தின் போது, பார்சூன் 500 நிறுவனங்களின் தலைமை நிர்வாக அதிகாரிகளை சந்திக்கத் திட்டமிட்டுள்ளார். செப்டம்பர் 14-ஆம் தேதி, அவர் சென்னை திரும்புவார்.

இதையும் படிங்க தி.மு.க எம்.பி ஜெகத்ரட்சகனுக்கு ரூ.908 கோடி அபராதம்: புகார் என்ன?

திராவிடன் டைம்ஸின் செய்திகளை உடனுக்குடன் தெரிந்துக்கொள்ள

வாட்ஸ்அப்

ட்விட்டர் 

இன்ஸ்டாகிராம்