Food: சாதத்துடன் சேர்த்து சாப்பிடக்கூடிய சுவையான தட்டைப்பயிறு குழம்பு இப்படி பண்ணுங்க.
Food: சாதத்துடன் சேர்த்து சாப்பிடக்கூடிய சுவையான தட்டைப்பயிறு குழம்பு இப்படி பண்ணுங்க.
Published on: February 24, 2025 at 10:58 am
கறி குழம்பு சுவையில் சுவையான தட்டைப்பயிறு குழம்பு எப்படி செய்யலாம் என்று பார்க்கலாம்.
தேவையான பொருட்கள்
எண்ணெய் – 3 டேபிள் ஸ்பூன்
தட்டை பயறு -1கப்
சின்ன வெங்காயம் – 100 கிராம்
பூண்டு -1 கைப்பிடி அளவு
கருவேப்பிலை -1 கொத்து
தக்காளி -2
மஞ்சள் தூள் ½ டீஸ்பூன்
உருளைக்கிழங்கு -1
மிளகாய் தூள் -1 டீஸ்பூன்
மல்லித்தூள் -3 டீஸ்பூன்
அரைக்க வேண்டியவை
எண்ணெய் -1 டேபிள்ஸ்பூன்
சீரகம் -1 டீஸ்பூன்
சோம்பு -1 டீஸ்பூன்
மிளகு -½ டீஸ்பூன்
கிராம்பு – 2
கல்பாசி – 1
பட்டை -1
சின்ன வெங்காயம் -15
பூண்டு – ஒரு கைப்பிடி அளவு
இஞ்சி -1 துண்டு
கொத்தமல்லி இலை -1 கைப்பிடி அளவு
தேங்காய் – 1கப்
கசகசா -1 டீஸ்பூன்
செய்முறை
ஒரு கடாயில் எண்ணெய் சேர்த்து எண்ணெய் காய்ந்ததும் சீரகம், சோம்பு, மிளகு, கிராம்பு, கல்பாசி மற்றும் பட்டை சேர்த்து வறுக்கவும். பின்னர் இதனுடன் தட்டிய சின்ன வெங்காயம், தட்டிய பூண்டு, இஞ்சி, கொத்தமல்லி இலை, தேங்காய் மற்றும் கசகசா சேர்த்து வதக்கவும். இதனை ஒரு மிக்ஸி ஜாரில் சேர்த்து விழுதாக அரைத்து எடுத்துக் கொள்ளவும்.
ஒரு கப் தட்டை பயிரை தண்ணீரில் கழுவி சுத்தம் செய்து ஒரு மணி நேரம் ஊற வைக்க வேண்டும். ஒரு குக்கரில் 3 டேபிள்ஸ்பூன் எண்ணெய் சேர்த்து எண்ணெய் காய்ந்ததும் அதில் தட்டிய சின்ன வெங்காயம் சேர்த்து வதக்கவும். வெங்காயம் நன்கு வதங்கியதும் இதில் பூண்டு சேர்க்கவும். இதனுடன் தக்காளி, கருவேப்பிலை மற்றும் தேவையான அளவு உப்பு சேர்த்து வதக்கவும்.
இதையும் படிங்க சட்டுனு செய்யக்கூடிய மோர்க்குழம்பு; இப்படி ட்ரை பண்ணுங்க!
இவை நன்கு வதங்கிய பின்னர் இதனுடன் தோல் நீக்கிய உருளைக்கிழங்கு நறுக்கி சேர்க்க வேண்டும். பின்னர் இதனுடன் மஞ்சள் தூள், மிளகாய் தூள் மற்றும் மல்லித்தூள் சேர்த்து கலந்து விடவும். பின்னர் இதனுடன் தட்டைப்பயிறு மற்றும் தேவையான அளவு தண்ணீர் சேர்த்து குக்கரை மூடி இரண்டு விசில் வரும்வரை வேக விடவும்.
குக்கரில் ஆவி முழுவதுமாக வெளியேறிய பின்னர் திறக்கவும். பயிறு வேகவில்லை என்றால் மேலும் இரண்டு விசில் வைத்து வேக வைத்துக் கொள்ளுங்கள். இப்போது ஹெல்தியான தட்டைப்பயிறு குழம்பு தயார்.
இதையும் படிங்க சுவை நாவிலேயே நிற்கும் ; எண்ணெய் கத்திரிக்காய் குழம்பு ; இப்படி செஞ்சு அசத்துங்க!
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
திராவிடன் டைம்ஸ்.காம் (www.dravidantimes.com) ஆன்லைன் செய்தித்தளம் ஆகஸ்ட் 18 2024ல் தொடங்கப்பட்டது. தமிழ்நாடு, இந்தியா, சர்வதேசம், வணிகம், லைஃப்ஸ்டைல், சினிமா, ஆன்மிகம், தொழில்நுட்பம், கல்வி மற்றும் வேலைவாய்ப்பு என பலதரப்பட்ட செய்திகளை பக்கச்சார்பின்றி வெளியிடுகிறது.
© 2024 dravidantimes.com – developed and designed by Thirdvizion.com
