400 பில்லியன் டாலர் பணத்தை குவித்த மஸ்க்: பின்னணி என்ன?

எலோன் மஸ்க் மற்றொரு மைல்கல்லைத் எட்டியுள்ளார்.

எலான் மஸ்க்

Elon musk becomes first person to reach 400 billion net worth milestone

ByDravidan Times Bureau

Published on: December 12, 2024 at 2:27 pm

Elon musk Net worth Milestone | உலகின் மிகப் பெரிய பணக்காரரும் டெஸ்லா தலைமை நிர்வாக அதிகாரியுமான எலோன் மஸ்க் மற்றொரு மைல்கல்லைத் எட்டியுள்ளார். அவரது நிகர மதிப்பு 400 பில்லியன் டாலர்களை எட்டியுள்ளது என்று ப்ளூம்பெர்க் தெரிவித்துள்ளது. இத்தகையை தொகையை கடந்த முதல் நபர் என்ற பெருமையை பெற்றுள்ளார்.

மஸ்க்கின் ராக்கெட் நிறுவனமான ஸ்பேஸ்எக்ஸ் மதிப்பை சுமார் 350 பில்லியன் டாலராக உயர்த்திய ஒரு ஒப்பந்தத்தின் காரணமாக 20 பில்லியன் டாலர் மதிப்பு உயர்ந்துள்ளது என்று ப்ளூம்பெர்க் செவ்வாயன்று தெரிவித்துள்ளது. ஸ்பேஸ்எக்ஸ் மற்றும் அதன் முதலீட்டாளர்கள் $1.25 பில்லியன் உள் பங்குகளை வாங்க ஒப்பந்தம் செய்தனர்.

கடந்த மாதம் நடந்த அமெரிக்க அதிபர் தேர்தலில் டொனால்ட் டிரம்ப் பெற்ற வெற்றி, மஸ்கின் தனிப்பட்ட செல்வத்தில் பெரும் எழுச்சியை ஏற்படுத்தியதால் இந்த வளர்ச்சி ஏற்பட்டுள்ளது.

கடந்த சில வாரங்களாக டொனால்ட் ட்ரம்பின் ஆதரவு அவரது முயற்சிகளை அதிகப்படுத்தியுள்ளது. அவர் டெஸ்லா மற்றும் ஸ்பேஸ்எக்ஸ் ஆகியவற்றின் தலைமை நிர்வாக அதிகாரியாகவும், எக்ஸ் இன் உரிமையாளர் மற்றும் நியூராலிங்க், எக்ஸ்ஏஐ (xAI) மற்றும் போரிங் நிறுவனம் உள்ளிட்டவற்றின் தலைமை நிர்வாக அதிகாரியாகவும் உள்ளார்.

மஸ்க் புதிய டிரம்ப் நிர்வாகத்தில் விவேக் ராமசாமியுடன் இணைந்து புதிய ‘அரசாங்கத் திறன் துறை’யை மேற்பார்வையிடுவார். டெஸ்லாவின் பங்குகள் புதன்கிழமையன்று (உள்ளூர் நேரம்) ஒரு சாதனை உச்சத்தில் முடிவடைந்தது. இறுதி நேரத்தில் $424.77 ஐ தொட்டது.

வால் ஸ்ட்ரீட் ஜர்னல் படி, மஸ்கின் செயற்கை நுண்ணறிவு ஸ்டார்ட்அப் எக்ஸ்ஏஐ, புதிய நிதிச் சுற்றுக்கு மத்தியில் நவம்பரில் இரண்டு மடங்கு மதிப்பைக் கண்டது. சில மாதங்களுக்கு முன்பு $50 பில்லியனாக உயர்ந்தது குறிப்பிடத்தக்கது.

இதையும் படிங்க மாதம் ரூ.7 ஆயிரம் முதலீடு: மியூச்சுவல் ஃபண்ட் திட்டத்தில் எவ்வளவு கிடைக்கும்?