அருமையான சுவையில் ஆனியன் தொக்கு ; இட்லி, தோசை, சாதத்துக்கு சூப்பர் காம்போ!

How to make onion thokku | சுவையான வெங்காய தொக்கு இப்படி செஞ்சு பாருங்க.

வெங்காய தொக்கு

ByDravidan Times Bureau

Published on: December 10, 2024 at 1:03 pm

How to make onion thokku | இட்லி தோசை சாதம் என அனைத்துடனும் சேர்த்து சாப்பிடக்கூடிய சுவையான வெங்காய தொக்கு எப்படி செய்யலாம் என்று பார்க்கலாம். வெளியூருக்கு செல்பவர்கள் இந்த தொக்கை செய்து கொண்டு செல்லலாம் இது 15 நாட்கள் வரை கெடாமல் இருக்கும்.

தேவையான பொருட்கள்

சின்ன வெங்காயம் – 300 கிராம்
பெரிய வெங்காயம் -200 கிராம்
நல்லெண்ணெய் -½ கப்
உளுந்தம் பருப்பு -1 டீஸ்பூன்
கடுகு -1 டீஸ்பூன்
சீரகம் -1 டீஸ்பூன்
வத்தல்-2
பெருங்காயத்தூள் -1 டீஸ்பூன்
உப்பு -2 டீஸ்பூன்
மிளகாய் தூள் -2 டீஸ்பூன்
மஞ்சள் தூள் -½ டீஸ்பூன்
கறிவேப்பிலை – சிறிதளவு
புளி கரைசல் – 1½ கப் (பெரிய எலுமிச்சை அளவு)
வெல்லம் -1 டீஸ்பூன்

அரைக்க வேண்டியவை

வெந்தயம் -1 டீஸ்பூன்
கடுகு -1 டீஸ்பூன்
தனியா-1 டீஸ்பூன்
சீரகம் -¼ டீஸ்பூன்

செய்முறை

வெங்காயத்தினை தோல் நீக்கி கழுவி சுத்தம் செய்து எடுத்துக் கொள்ள வேண்டும். இந்த வெங்காயத் தொக்கை சின்ன வெங்காயம் மட்டுமே பயன்படுத்தியும் செய்யலாம் பெரிய வெங்காயம் பயன்படுத்தியும் செய்யலாம். முதலில் ஒரு மிக்ஸி ஜாரில் வெங்காயத்தை சேர்த்து கொரகொரப்பாக அரைத்து எடுத்துக் கொள்ளவும். ஒரு கடாயில் வெந்தயம், கடுகு, தனியா, சீரகம் சேர்த்து பொன்னிறமாக மறுக்கவும். இதை ஒரு மிக்ஸி ஜாரில் சேர்த்து நன்கு பவுடர் போன்று அரைத்து எடுத்துக் கொள்ளவும்.

ஒரு கடாயில் நல்லெண்ணெய் சேர்த்து எண்ணெய் காய்ந்ததும் அதனுடன் உளுந்தம் பருப்பு, கடுகு, சீரகம் மற்றும் இரண்டு வத்தல் உடைத்து சேர்த்து வறுக்கவும். இதனுடன் பெருங்காயத்தூள் சேர்க்கவும். பின்னர் இதனுடன் ஏற்கனவே கொரகொரப்பாக அரைத்து வைத்த வெங்காயத்தை சேர்த்து வதக்கவும். வெங்காயத்தில் உள்ள பச்சை வாடை நீங்கும் வரை நன்கு பொன்னிறமாக வதக்க வேண்டும்.

இதனுடன் உப்பு, மிளகாய்த்தூள், மஞ்சள் தூள் மற்றும் சிறிது கருவேப்பிலை சேர்த்து வதக்கவும். இதனுடன் கரைத்து வைத்த புளித்தண்ணீர் சேர்த்து கலந்து 15 நிமிடங்கள் வேக விட வேண்டும். அடுப்பு தீயை மீடியம் லோ பிளேமில் வைத்து கொதிக்க விட வேண்டும். மூடி போட்டு வேகவைக்கும் பொழுது முடியில் உள்ள தண்ணீர் குழம்பில் படாதவாறு பார்த்துக் கொள்ளவும். மூடியை பாதி அளவில் மூடி வைத்தால் தொக்கிலிருந்து வரும் ஆவி வெளியேறிவிடும் மூடியில் ஈரம் படாது.

தொக்கில் ஈரம் பட்டால் சீக்கிரம் கெட்டுவிடும். வெங்காய தொக்கு எண்ணெய் பிரிந்து வெந்து வந்த பின்னர் இதனுடன் ஒரு டீஸ்பூன் வெல்லம் சேர்த்து கலந்து விடவும். பின்னர் இதனுடன் ஏற்கனவே வறுத்து அரைத்து வைத்த மசாலா தூள் 1½ டீஸ்பூன் சேர்த்து கலந்து விடவும். மசாலா தூள் சேர்த்த பின்னர் வெங்காயத் தொக்கினை ஐந்து நிமிடம் லோ பிலிமில் வேகவைத்து இறக்கவும். இப்போது சுவையான வெங்காய தொக்கு தயார். இந்த தொக்கை 10 முதல் 15 நாள் வரை வைத்து சாப்பிடலாம்.

இதையும் படிங்க : ஸ்பெஷலான ஸ்பானிஷ் ஆம்லெட் ; முட்டையை இப்படி செஞ்சு பாருங்க ; சுவை அள்ளும்!