சூழ்ந்திருக்கும் போர் மேகம்; இஸ்ரேல் பிரதமரின் மனிதநேயம்: ரத்தன் டாட்டா-க்கு இரங்கல்!

Israel PM Benjamin Netanyahu | இஸ்ரேல் பிரதமர் பெஞ்சமின் நெதன்யாகு, இந்தியாவின் மூத்த தொழில் அதிபர் ரத்தன் டாட்டாவின் மறைவுக்கு இரங்கல் தெரிவித்துள்ளார். டாடா குழுமத்தின் முன்னாள் தலைவர் ரத்தன் டாட்டா தனது 86வது வயதில் புதன்கிழமை (9 ஆம் தேதி) மாலை காலமானார். அவரது மறைவிற்கு பல்வேறு தலைவர்களும், பிரபலங்களும் இரங்கல் தெரிவித்துள்ளனர்.

இந்நிலையில், இஸ்ரேல் பிரதமர் பெஞ்சமின் நெதன்யாகு ரத்தன் டாட்டா மறைவிற்கு இன்று இரங்கல் தெரிவித்துள்ளார். அதில், இந்திய பிரதமர் நரேந்திர மோடியை குறிப்பிட்டு எழுதியுள்ள பதிவில், இஸ்ரேலுக்கும் இந்தியாவுக்கும் இடையிலான உறவுகளை வலுப்படுத்த டாட்டாவின் பங்களிப்பை சுட்டிக்காட்டியுள்ளார்.

இதுகுறித்து எக்ஸ் தளத்தில் பதிவிட்டுள்ள அவர், “எனது நண்பரான பிரதமர் @narendramodi அவர்களுக்கு, இந்தியாவின் பெருமைமிக்க மகனும் நமது இரு நாடுகளுக்கும் இடையேயான நட்பின் சாம்பியனுமான ரத்தன் நேவல் டாட்டாவின் இழப்பிற்காக நானும், இஸ்ரேலில் உள்ள பலரும் இரங்கல் தெரிவிக்கிறோம்” என்று தெரிவித்துள்ளார்.

மேலும், ரத்தன் டாட்டாவின் குடும்பத்தினருக்கும் தனது இரங்கலை தெரிவிக்குமாறு பிரதமர் மோடியிடம் கேட்டுக் கொண்டார். முன்னதாக இரங்கல் தெரிவித்திருந்த சிங்கப்பூர் பிரதமர் லாரன்ஸ் வோங் வியாழன் அன்று ரத்தன் டாட்டாவுக்கு அஞ்சலி செலுத்தினார். அதில், ரத்தன் டாட்டாவை சிங்கப்பூரின் உண்மையான நண்பர் என்று குறிப்பிட்டார்.

மேலும், பிரெஞ்சு ஜனாதிபதி இம்மானுவேல் மேக்ரான் தனது இரங்கல் செய்தியில், புதுமை மற்றும் உற்பத்தியில் டாட்டாவின் பங்களிப்புகளைப் பாராட்டினார். அதே நேரத்தில் இந்தியா மற்றும் பிரான்ஸ் ஆகிய இரு நாடுகளிலும் தொழில்களை வலுப்படுத்துவதில் அவரது பங்கை சுட்டிக்காட்டினார்.

இதையும் படிங்க : துபாயில் விமான டாக்ஸி பயன்பாடு எப்போது? இயக்குனர் முக்கிய தகவல்!

• 
  மும்பை தாக்குதலில் தொடர்பு: இந்தியாவுக்கு நாடு கடத்தப்படுகிறார் தஹாவூர் ராணா
  Tahawwur Rana in India : தற்போது லாஸ் ஏஞ்சல்ஸில் உள்ள பெருநகர தடுப்பு மையத்தில் தடுத்து வைக்கப்பட்டுள்ள ராணா, 26/11 மும்பை தாக்குதலின் முக்கிய திட்டமிடுபவரான பாகிஸ்தான்-அமெரிக்க பயங்கரவாதி டேவிட் கோல்மன் ஹெட்லியுடன் தொடர்புடையவர் ஆவார். இவர் மீது இந்தியாவிலும் வழக்குகள் நிலுவையில் உள்ளன.
• 
  இந்தியா வருகிறார் சிங்கப்பூர் அதிபர்.. பயணத் திட்டம் முழு விவரம்!
  Singapore President Tharman Shanmugaratnam | சிங்கப்பூர் அதிபர் அடுத்த வாரம் இந்தியா வருகிறார் என்ற தகவல் வெளியாகியுள்ளது. இந்தப் பயணத்தின் முக்கியத்தும் குறித்து பார்க்கலாம்.
• 
  வானிலிருந்து தரையிறங்கிய விமானம்.. பற்றி எரிந்த தீ.. சடலமான 85 பேர்?
  South Korean Aircrash | தென் கொரிய விமான நிலையத்தில் நடந்த விமான விபத்தில் 85 பேர் பலியாகினர்.
• 
  சிரியா : துப்பாக்கி சண்டையில் பாதுகாப்பு படையினர் 14 பேர் பலி
  Syria Gunfight | சிரியாவில் நடந்த துப்பாக்கி சண்டையில் பாதுகாப்பு படையினர் 14 பேர் கொல்லப்பட்டனர் மேலும், 10 பேர் காயமடைந்தனர்.
• 
  நடுவானில் விமானத்தில் இயந்திர கோளாறு – 67 பேர் கதி என்ன?
  Kazakhstan Air Crash | பாகுவிலிருந்து க்ரோஸ்னிக்கு சென்று கொண்டிருந்த பயணிகள் விமானம் ஒன்று இன்று (புதன்கிழமை) கஜகஸ்தானின் அக்டாவ் விமான நிலையம் அருகே விபத்துக்குள்ளானது.

திராவிடன் டைம்ஸின் செய்திகளை உடனுக்குடன் தெரிந்துக்கொள்ள

வாட்ஸ்அப்

ட்விட்டர் 

இன்ஸ்டாகிராம்