Kosasthalai River: எண்ணூர் முகத்துவாரப் பகுதியில் உள்ள கொசஸ்தலை ஆற்றில், ஞாயிற்றுக்கிழமை பெருமளவிலான மீன்கள், இறால்கள் மற்றும் நண்டுகள் செத்து கரை ஒதுங்கின.
Kosasthalai River: எண்ணூர் முகத்துவாரப் பகுதியில் உள்ள கொசஸ்தலை ஆற்றில், ஞாயிற்றுக்கிழமை பெருமளவிலான மீன்கள், இறால்கள் மற்றும் நண்டுகள் செத்து கரை ஒதுங்கின.
Published on: August 17, 2026 at 5:13 pm
சென்னை, ஆக.17, 2026: எண்ணூர் முகத்துவாரப் பகுதியில் உள்ள கொசஸ்தலை ஆற்றில், ஞாயிற்றுக்கிழமை பெருமளவிலான மீன்கள், இறால்கள் மற்றும் நண்டுகள் செத்து மிதப்பது அப்பகுதி மீனவர்களை அதிர்ச்சியடையச் செய்தது. சுமார் நான்கு முதல் ஆறு டன் வரை உயிரிழந்ததாகக் கூறப்படுகிறது. அருகிலுள்ள தொழிற்சாலைகளிலிருந்து வெளியேறும் ரசாயனக் கழிவுகளால் ஏற்பட்ட மாசுபாடே காரணம் என மக்கள் சந்தேகிக்கின்றனர். மடவை, கெண்டை, கெளுத்தி, ஊடன், நெத்திலி, கெலங்கன், கோலா போன்ற பல்வேறு வகை மீன்கள் இதில் அடங்குகின்றன.
இதனால் பாதிக்கப்பட்ட மீனவர்கள், காரணத்தைக் கண்டறிந்து பொறுப்பானவர்களுக்கு எதிராக நடவடிக்கை எடுக்க வேண்டும் என்றும், இழப்பீடு மற்றும் நிரந்தர மாற்று வேலைவாய்ப்பை வழங்க வேண்டும் என்றும் வலியுறுத்தி எண்ணூர் தாளங்குப்பம் அருகே போராட்டத்தில் ஈடுபட்டனர். நெட்டுக்குப்பம், தாளங்குப்பம், எண்ணூர் குப்பம், முகத்துவாரக் குப்பம், சிவன்பாடி வீதி குப்பம், பெரிய குப்பம், சின்ன குப்பம், காட்டுக்குப்பம் ஆகிய பகுதிகளில் 8,000-க்கும் மேற்பட்ட குடும்பங்கள் மீன்பிடித் தொழிலை நம்பி வாழ்ந்து வருவதாக அவர்கள் தெரிவித்தனர்.
TNIE செய்திக் குழு அப்பகுதியை பார்வையிட்டபோது, ஆற்று நீர் வெளிப்படையாகத் தெளிவாக இருந்தாலும், கரைகளிலும் ஆற்றிலும் செத்த மீன்கள் சிதறிக் கிடந்தன. அப்பகுதி முழுவதும் துர்நாற்றம் வீசியது. குறைந்தது 6 கிலோமீட்டர் தூரம் வரை உயிருள்ள கடல்வாழ் உயிரினங்கள் எதுவும் காணப்படவில்லை என்று மீனவர்கள் தெரிவித்தனர்.
சனிக்கிழமை மதியம் 1 மணியளவில், பல மீன்கள் மூச்சுவிடத் திணறிக்கொண்டிருந்ததை மீனவர்கள் கவனித்ததாகவும், அப்போது அவர்கள் ஏதோ தவறு நடப்பதை உணர்ந்ததாகவும் கூறினர். ஆனால் மறுநாளே இவ்வளவு பெரிய அளவில் உயிரிழப்பு நிகழும் என்று எதிர்பார்க்கவில்லை என அப்பகுதியைச் சேர்ந்த அஞ்சலி டி (39) தெரிவித்தார்.
இந்தச் சம்பவம், மீனவர்களின் வாழ்வாதாரத்தையும், சுற்றுச்சூழல் பாதுகாப்பையும் கேள்விக்குள்ளாக்கியுள்ளது. அதிகாரிகள் உண்மையான காரணத்தை உறுதிப்படுத்தி, பாதிக்கப்பட்ட குடும்பங்களுக்கு நியாயமான இழப்பீடு வழங்க வேண்டும் என்று மீனவர்கள் வலியுறுத்துகின்றனர்.
இதையும் படிங்க : ஈரோட்டில் 85 வயது மூதாட்டிக்கு பாலியல் தொல்லை.. 31 வயது இளைஞர் கைது
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
திராவிடன் டைம்ஸ்.காம் (www.dravidantimes.com) ஆன்லைன் செய்தித்தளம் ஆகஸ்ட் 18 2024ல் தொடங்கப்பட்டது. தமிழ்நாடு, இந்தியா, சர்வதேசம், வணிகம், லைஃப்ஸ்டைல், சினிமா, ஆன்மிகம், தொழில்நுட்பம், கல்வி மற்றும் வேலைவாய்ப்பு என பலதரப்பட்ட செய்திகளை பக்கச்சார்பின்றி வெளியிடுகிறது.
© 2024 dravidantimes.com – developed and designed by Thirdvizion.com
