பல ஆண்கள் தியாகம் செய்கிறார்கள்.. டோரத்தி ரிஷிகாந்த்!

Actor Rishikanth: தங்களது குடும்பத்தினருக்காக பல ஆண்கள் தியாகம் செய்கிறார்கள் என டோரத்தி பட நாயகன் ரிஷிகாந்த் தெரிவித்துள்ளார்.

டோரத்தி பட நாயகன் ரிஷிகாந்த்

ByThilahavathy P

Published on: October 1, 2026 at 5:25 pm

சென்னை, அக்.1, 2026: கார்த்திக் சுப்பராஜ் இயக்கத்தில் வெளியான ‘டோரத்தி’ திரைப்படம், அதன் தன்பால் ஈர்ப்பு கருப்பொருள்கள் காரணமாக சமூக வலைதளங்களில் ஓரினச்சேர்க்கை மற்றும் திருநங்கை சமூகத்துக்கு எதிரான விமர்சனங்களை எதிர்கொண்டுள்ளது.

இப்படத்தில் முக்கிய கதாபாத்திரத்தில் நடித்த ரிஷிகாந்த், திரைப்படம் குறித்த விமர்சனங்களுக்கு மத்தியில் ஆண்மை பற்றிய தனது பார்வையைப் பகிர்ந்துள்ளார். டொரத்தி, வெளியாவதற்கு முன்பு டொராண்டோ சர்வதேச திரைப்பட விழாவில் திரையிடப்பட்டபோது பார்வையாளர்களிடமிருந்து வரவேற்பையும் பெற்றது.

சுதீர் ஸ்ரீனிவாசனின் யூடியூப் சேனலுக்கு அளித்த பேட்டியில், ‘மொத ராத்திரி’ மற்றும் ‘டொரத்தி’ ஆகிய படங்களில் தொடர்ந்து நடித்தது குறித்து ரிஷிகாந்திடம் கேட்கப்பட்டது.
இரு படங்களும் வழக்கமான சினிமா சித்தரிப்புகளைத் தாண்டி ஆண்மை குறித்த கருத்துகளை பேசுகின்றன. இதற்கு பதிலளித்த அவர், தன்னைப் பொறுத்தவரை உண்மையான ஆண்மை என்பது தன்னை வெளிப்படுத்திக் கொள்வதில் இல்லை என்று கூறினார்.

ஏற்றுக்கொள்ளுதல், மென்மை, புரிந்துகொள்ளுதல், பிறரை மதித்தல், அவர்களின் உணர்வுகளையும் கருத்துகளையும் மதிப்பது ஆகியவையே உண்மையான ஆண்மையின் அடையாளங்கள் என்று ரிஷிகாந்த் தெரிவித்தார். குடும்பத்தினருக்காகவும் தாங்கள் நேசிப்பவர்களுக்காகவும் பல ஆண்கள் எந்த எதிர்பார்ப்புமின்றி அமைதியாக தியாகம் செய்து வருகிறார்கள் என்றும், அதுவே தன்னைப் பொறுத்தவரை ஆண்மையின் மிகப்பெரிய வெளிப்பாடு என்றும் அவர் கூறினார்.

ரிஷிகாந்தின் இணை நடிகர் சனத்தும் படம் வெளியான பிறகு சமூக வலைதளங்களில் வந்த எதிர்மறை கருத்துகள் குறித்து பேசினார். அவை தன்னை மிகவும் பாதித்ததாகவும், இதனால் கலவையான உணர்வுகள் ஏற்பட்டதாகவும் அவர் கூறினார். அதேநேரத்தில், திரையரங்கில் ரசிகர்களின் நேரடி எதிர்வினைகளைப் பார்த்தபோது தனக்கு நிம்மதி ஏற்பட்டதாகவும் சனத் தெரிவித்தார். ‘மொத ராத்திரி’ படத்தின்போதும் இதுபோன்ற அனுபவத்தை சந்தித்ததாக ரிஷிகாந்த் குறிப்பிட்டார்.

இதையும் படிங்க : சென்னை 600028 மூன்றாம் பாகம் எப்போது? வெளியான பரபரப்பு தகவல்!