AIADMK MLAs Resignation Verdict: அதிமுகவின் 6 எம்.எல்.ஏ.க்கள் ராஜினாமா செல்லும் என சென்னை உயர் நீதிமன்றம் தீர்ப்பளித்துள்ளது.
AIADMK MLAs Resignation Verdict: அதிமுகவின் 6 எம்.எல்.ஏ.க்கள் ராஜினாமா செல்லும் என சென்னை உயர் நீதிமன்றம் தீர்ப்பளித்துள்ளது.
Published on: October 13, 2026 at 11:53 am
சென்னை, அக்.13, 2026: தமிழகத்தில் அதிமுகவைச் சேர்ந்த ஆறு எம்.எல்.ஏ.க்கள் தங்களது பதவியை ராஜினாமா செய்ததைச் சட்டப்பேரவைத் தலைவர் ஏற்றுக்கொண்ட முடிவை எதிர்த்து தொடரப்பட்ட வழக்குகளை சென்னை உயர் நீதிமன்றம் தள்ளுபடி செய்துள்ளது. இதன் மூலம், ஆறு பேரின் ராஜினாமாவை ஏற்றுக்கொண்ட சபாநாயகரின் முடிவை நீதிமன்றம் உறுதி செய்துள்ளது.
மராகதம் குமரவேல், சத்தியபாமா, இசக்கி சுப்பையா, எஸ். ஜெயக்குமார், சி. விஜயபாஸ்கர், எம்.ஆர். விஜயபாஸ்கர் ஆகிய ஆறு பேரும் அதிமுக சார்பில் தேர்ந்தெடுக்கப்பட்டவர்கள். பின்னர் அவர்கள் பதவியை ராஜினாமா செய்து, தமிழக வெற்றிக் கழகத்தில் (தவெக) இணைந்தனர். தவெக அரசு மீதான நம்பிக்கை வாக்கெடுப்பில் கட்சியின் கொறடா உத்தரவை மீறி ஆதரவாக வாக்களித்ததாகக் கூறி, அவர்கள் மீது தகுதிநீக்க நடவடிக்கை கோரப்பட்டிருந்தது.
அதிமுக கொறடா அக்ரி கிருஷ்ணமூர்த்தி உள்ளிட்டோர், தகுதிநீக்க நடவடிக்கைகள் நிலுவையில் இருந்தபோதே ராஜினாமாக்கள் ஏற்றுக்கொள்ளப்பட்டதாகவும், அவற்றை ஏற்கும் முன் உரிய விசாரணை நடத்தப்படவில்லை என்றும் மனுவில் தெரிவித்திருந்தனர்.
மறுபுறம், எம்.எல்.ஏ.க்கள் தங்களது விருப்பத்தின் பேரில் ராஜினாமா செய்ததை உறுதிப்படுத்திய பிறகே சபாநாயகர் முடிவெடுத்ததாக அரசுத் தரப்பில் வாதிடப்பட்டது. இந்த வழக்குகளில் உயர் நீதிமன்றத்தின் தீர்ப்பு, ஆறு பேரின் ராஜினாமாவை ஏற்றுக்கொண்ட முடிவுக்கு எதிரான சட்டச் சவாலை முடிவுக்குக் கொண்டுவந்துள்ளது.
இதையும் படிங்க : மு.க ஸ்டாலின் பா.ஜ.க உடன் கூட்டணி அமைக்க மாட்டார்.. ஜவாஹிருல்லா எம்.எல்.ஏ
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
திராவிடன் டைம்ஸ்.காம் (www.dravidantimes.com) ஆன்லைன் செய்தித்தளம் ஆகஸ்ட் 18 2024ல் தொடங்கப்பட்டது. தமிழ்நாடு, இந்தியா, சர்வதேசம், வணிகம், லைஃப்ஸ்டைல், சினிமா, ஆன்மிகம், தொழில்நுட்பம், கல்வி மற்றும் வேலைவாய்ப்பு என பலதரப்பட்ட செய்திகளை பக்கச்சார்பின்றி வெளியிடுகிறது.
© 2024 dravidantimes.com – developed and designed by Thirdvizion.com
