குடிநீர், பாசன பிரச்னைக்கு தீர்வு.. தமிழ்நாடு வருகிறது கிருஷ்ணா நதி நீர்!

Andhra to Release Krishna Water : கிருஷ்ணா நதி நீர் அடுத்த வாரம் தமிழ்நாடு வருகிறது என்ற தகவல் வெளியாகியுள்ளது.

கிருஷ்ணா நதி

ByPushpa Gopinath

Published on: May 20, 2026 at 2:11 pm

சென்னை, மே 20, 2026: ஆந்திரப் பிரதேசத்திலிருந்து 1 டி.எம்.சி கிருஷ்ணா நதி நீர் அடுத்த வாரத்திற்குள் விடப்பட வாய்ப்பு உள்ளதாக நீர்வளத் துறை அதிகாரிகள் தெரிவித்துள்ளனர். தமிழகத்தில் குடிநீர் மற்றும் பாசன தேவைகளுக்காக இந்த நீர் முக்கிய பங்காற்றும் என எதிர்பார்க்கப்படுகிறது.

கிருஷ்ணா நீர் விடுவிப்பு

இது குறித்து பேசிய தமிழக நீர்வளத் துறை அதிகாரிகள், ஆந்திராவில் இருந்து 1 டி.எம்.சி கிருஷ்ணா நீர் அடுத்த வாரத்திற்குள் விடப்படும் எனத் தெரிவித்துள்ளனர். இந்த நீர், சென்னை மற்றும் சுற்றுப்புற குடிநீர் தேவைகளுக்கு பயன்படுத்தப்படும்.

குடிநீர் தேவைகள்

சென்னை மாநகரின் குடிநீர் தேவைகளை பூர்த்தி செய்ய, கிருஷ்ணா நீர் முக்கிய பங்காற்றுகிறது. இந்நிலையில், கடந்த சில மாதங்களாக மழை குறைவால் நீர் நிலை குறைந்ததால் மக்கள் அவதியுற்றனர்.
இதற்கிடையில், இந்த நீர் விடுவிப்பு பொதுமக்களுக்கு நிம்மதி அளிக்கும். மேலும், கிருஷ்ணா நீர், வயல் பாசனத்திற்கும் பயன்படும். குறிப்பாக, திருவள்ளூர் மற்றும் காஞ்சிபுரம் மாவட்டங்களில் விவசாயிகள் இந்த நீர் விடுவிப்பை எதிர்பார்த்து உள்ளனர் என்பது குறிப்பிடத்தக்கது.

இதையும் படிங்க : விளையாட்டு வீரர்கள் தினமும் நேரில் சந்திக்கலாம்.. ஆதவ் அர்ஜூனா