தூத்துக்குடி விஜய் கட்சி பொறுப்பாளர் மீது வன்கொடுமை வழக்கு.. நடந்தது என்ன?

Assault case: தமிழக வெற்றிக் கழகத்தின் தூத்துக்குடி மாவட்ட பொறுப்பாளர் மீது வன்கொடுமை தடுப்புச் சட்டத்தின் கீழ் வழக்கு பதிவு செய்யப்பட்டுள்ளது.

தூத்துக்குடி நீதிமன்றம்

Assault case filed against TVK party district executive

ByDravidan Times Bureau

Published on: March 27, 2025 at 7:48 pm

Updated on: March 27, 2025 at 7:55 pm

தூத்துக்குடி மார்ச் 27 2025: நடிகர் விஜய்யின் தமிழக வெற்றி கழகத்தின் தூத்துக்குடி மாவட்ட பொறுப்பாளராக வி.ஜி சரவணன் என்பவர் இருந்து வருகிறார். இவர் மீது போலீசார் வன்கொடுமை தடுப்புச் சட்டத்தின் கீழ் வழக்கு பதிவு செய்துள்ளனர்.

நடந்தது என்ன?

தூத்துக்குடி மாவட்டம் ஏரல் பகுதியைச் சேர்ந்தவர் வழக்கறிஞர் பாலமுருகன். மாற்றுத்திறனாளியான வழக்கறிஞர் பாலமுருகனை, தரக்குறைவாக பேசி கொலை மிரட்டல் விடுத்ததாக புகார் எழுந்தது.
இது தொடர்பாக காவல் நிலையத்தில் உரிய புகார் அளிக்கப்பட்டது.

இந்தப் புகாரின் அடிப்படையில், தமிழக வெற்றி கழகத்தின் தூத்துக்குடி மாவட்ட பொறுப்பாளர் வி.ஜி சரவணன் உட்பட ஏழு பேர் மீது வன்கொடுமை தடுப்புச் சட்டத்தின் கீழும்; பொது இடங்களில் ஆபாசமாக பேசுதல் உள்ளிட்ட ஆறு பிரிவுகளின் கீழ் வழக்கு பதிவு செய்யப்பட்டுள்ளது.

இந்தச் சம்பவம் தமிழக வெற்றிக்கழக நிர்வாகிகள் மத்தியில் பரபரப்பை ஏற்படுத்தியுள்ளது. தமிழக வெற்றி கழகம் மாநாடு பணிகளில் தற்போது கவனம் செலுத்தி வருகிறது. கட்சியை அமைப்பு ரீதியாக பலப்படுத்தி அடுத்த கட்டமாக நடிகர் விஜய் தமிழ்நாடு முழுக்க சுற்றுப்பயணத்தில் ஈடுபட உள்ளார் எனவும் கூறப்படுகிறது.

தமிழக வெற்றிக்கழகம் 2026 சட்டப்பேரவை தேர்தலில், போட்டியிட தீவிர கவரும் செலுத்தி வருகிறது. இந்த நிலையில் சில கட்சிகள் தமிழக வெற்றிக்கழகத்துடன் கூட்டணி அமைக்கலாம் எனவும் கூறப்படுகிறது.

இதையும் படிங்க: சவுக்கு சங்கர் வீடு மீது தாக்குதல்.. 6 பிரிவுகளின் கீழ் வழக்கு: 2 பெண்கள் உட்பட பேர் கைது!