தி.மு.க., அ.தி.மு.க. கூட்டணியா? தமிழ்நாட்டில் அரசியல் குழப்பம்!

DMK Support for AIADMK? தி.மு.க., அ.தி.மு.க. கூட்டணி அமைக்கப் போவதாக எழுந்துள்ள செய்திகள் பெரும் பரபரப்பை ஏற்படுத்தியுள்ளன.

மு.க ஸ்டாலின், எடப்பாடி பழனிசாமி

ByJayakrishnan R

Published on: May 8, 2026 at 3:12 pm

சென்னை, மே 8, 2026: திமுக ஆதரவுடன் அதிமுக ஆட்சியா? – அரசியல் வியூகங்கள் மற்றும் அறிகுறிகள் குறித்து மாநிலத்தில் பல்வேறு விவாதங்கள் எழுந்துள்ளன.

சமீபத்திய தேர்தல் முடிவுகளுக்குப் பிறகு, அதிமுக தனித்து ஆட்சி அமைக்க முடியாத நிலையில் உள்ளது.
பெரும்பான்மை பெறுவதற்காக, திமுக ஆதரவு வழங்குமா என்ற கேள்வி அரசியல் வட்டாரங்களில் எழுந்துள்ளது. இதற்கிடையில், இரு கட்சிகளும் நேரடியாக உறுதி அளிக்கவில்லை என்றாலும், திரை மறைவு வியூகங்கள் மூலம் சாத்தியமான கூட்டணி பேச்சுகள் நடப்பதாக தகவல்கள் வெளியாகின்றன.

திரை மறைவு வியூகங்கள்

திமுக தலைமை, “மக்களின் தீர்ப்புக்கு தலைவணங்க வேண்டும்” என வலியுறுத்தியுள்ளது. அதேநேரம், அதிமுகவுக்கு நேரடி ஆதரவு தருவதாகத் தெரிவிக்கவில்லை; ஆனால் ஆட்சியமைப்பில் இடையூறு செய்யமாட்டோம் என கூறியிருப்பது முக்கிய அறிகுறியாக பார்க்கப்படுகிறது. இதனால், அரசியல் வட்டாரங்களில் மறைமுக ஒத்துழைப்பு சாத்தியம் என கருதப்படுகிறது.

இதற்கிடையில், திருமாவளவன் உள்ளிட்ட கூட்டணி கட்சிகள், தங்களது நிலைப்பாட்டை இன்னும் தெளிவுபடுத்தவில்லை. கம்யூனிஸ்ட் மற்றும் காங்கிரஸ் கட்சிகளின் ஆதரவு குறித்து பேச்சுவார்த்தைகள் நடைபெற்று வருகின்றன.

மறுபுறம், திமுக-அதிமுக இடையே அரசியல் சமரசம் உருவாகும் வாய்ப்பு குறித்து ஊகங்கள் வலுப்பெற்றுள்ளன என்பது குறிப்பிடத்தக்கது.

இதையும் படிங்க : காங்கிரஸின் சந்தர்ப்பவாத அரசியல்.. இனி யார் நம்மை நம்புவார்? மணிசங்கர் ஐயர் கேள்வி!