பாகிஸ்தான் டெஸ்ட் பயிற்சியாளரை நீக்க முடிவு? பரபரப்பு தகவல்கள்!

Pakistan Cricket: பாகிஸ்தான் டெஸ்ட் பயிற்சியாளரை நீக்க திட்டமிடப்பட்டுள்ளதாக தகவல்கள் வெளியாகியுள்ளன.

பாகிஸ்தான் டெஸ்ட் பயிற்சியாளர் சர்பராஸ் அஹ்மத்

ByPunitha Rajesh

Published on: June 8, 2026 at 1:02 pm

இஸ்லாமாபாத், ஜூன் 8, 2026: வங்கதேச தொடரில் 0-2 தோல்விக்குப் பிறகு, பாகிஸ்தான் கிரிக்கெட் வாரியம் (பி.சி.பி) டெஸ்ட் பயிற்சியாளர் சர்பராஸ் அஹ்மத் மற்றும் கேப்டன் ஷான் மசூத் இருவரையும் நீக்க திட்டமிட்டுள்ளதாக தகவல்கள் வெளியாகியுள்ளன. இது தொடர்பாக, முன்னாள் வீரர்கள் யூனிஸ் கான் மற்றும் முகமது ஹபீஸ் முக்கிய பதவிகளுக்காக ஆலோசனையில் ஈடுபட்டுள்ளனர்.

பாகிஸ்தான் அணியின் தோல்வி

வங்கதேச மண்ணில் 2-0 டெஸ்ட் தொடரில் பாகிஸ்தான் தோல்வி அடைந்தது. இது அணியின் இரண்டாவது தொடர்ச்சியான வொயிட்வாஷ் (முழுமையான தோல்வி) ஆகும். இதற்கிடையில், உலக டெஸ்ட் சாம்பியன்ஷிப் (WTC) 2025-27 புள்ளிப்பட்டியலில் பாகிஸ்தான் தற்போது 8வது இடத்திற்கு பின்தங்கியது.

சர்பராஸ் அஹ்மத் நிலை

2017 சாம்பியன்ஸ் டிரோபி வெற்றியாளர் சர்பராஸ், சமீபத்தில் டெஸ்ட் பயிற்சியாளராக நியமிக்கப்பட்டார். இதற்கிடையில் பாகிஸ்தான் கிரிக்கெட் வாரியம் அவரை U-19 மற்றும் A அணிகளின் பொறுப்புக்கு மாற்றும் யோசனையில் உள்ளது.

எனினும், யூனிஸ் கான் உடன் ஒப்பந்தம் உறுதி செய்யப்பட்டால் மட்டுமே சர்பராஸ் நீக்கப்படுவார் என்ற தகவலும் வெளியாகியுள்ளது.

ஷான் மசூத் நிலை

36 வயதான மசூத், 46 டெஸ்ட்களில் 2653 ரன்கள் (சராசரி 30.49) எடுத்துள்ளார். கேப்டனாக 16 டெஸ்ட்களில் 4 வெற்றி, 12 தோல்வி மட்டுமே பெற்றுள்ளார். இதற்கிடையில், அவர், மேலும் நேரம் தருமாறு பாகிஸ்தான் கிரிக்கெட் வாரியத்திடம் கேட்டிருந்தாலும், நீக்கப்பட வாய்ப்பு அதிகம் என்ற தகவல் வெளியாகியுள்ளது.

புதிய மாற்றங்கள் என்ன?

யூனிஸ் கான் – டெஸ்ட் பயிற்சியாளராக பரிசீலனை நடக்கிறது. மேலும், முகமது ஹபீஸ் – முதன்மை தேர்வாளர் மற்றும் சர்வதேச கிரிக்கெட் துறையின் தலைவராக நியமிக்கப்பட வாய்ப்புகள் அதிகம் என்ற தகவலும் வெளியாகியுள்ளது.
இதற்கிடையில், பாகிஸ்தான் கிரிக்கெட் வாரியம், 49 வீரர்களுக்கான ரெட்-பால் மற்றும் வைட்-பால் பயிற்சி முகாம்களை அறிவித்துள்ளது.

இதையும் படிங்க : இது டெஸ்ட் மேட்ச், டி-20 அல்ல.. மனதை கட்டுப்படுத்திய கே.எல் ராகுல்!