ராம் லல்லா வழிபாடு; ஆர்.எஸ்.எஸ் உடன் தொடர்பில் இருந்தது யார்? காங்கிரஸூக்கு பினராய் விஜயன் கேள்வி

Pinarayi Vijayan | கேரள மாநில தலைநகர் திருவனந்தபுரத்தில் மார்க்சிஸ்ட் கம்யூனிஸ்ட் கட்சி நிகழ்ச்சி நடந்தது. இந்தக் கூட்டத்தில் மாநிலத்தின் முதல் அமைச்சர் பினராய் விஜயன் கலந்துகொண்டார்.
அப்போது, “காங்கிரஸின் குற்றச்சாட்டுகளுக்கு பினராய் விஜயன் கடுமையான பதிலடி கொடுத்தார். அவர் பேசுகையில், “கடந்த காலத்தில் ஆர்.எஸ்.எஸ் உடன் தொடர்பில் இருந்தது யார்? எனக் கேள்வியெழுப்பினார்.

மேலும் பினராய் விஜயன், “சி.பி.ஐ(எம்)க்கும் ஆர்எஸ்எஸ்ஸுக்கும் தொடர்பு இருக்கிறது என்பதுதான் தற்போதைய பிரச்சாரம். எதிர்க்கட்சித் தலைவர் கூட இந்தப் பிரச்னையை வலுவாக எழுப்பி வருகிறார். ஆனால் அவர்கள் ஆர்எஸ்எஸ் தொடர்பைப் பற்றி பேசும்போது யாரைக் குறிப்பிடுகிறார்கள்? என்பதை பார்க்க வேண்டும்.

கேரளாவின் அனுபவங்களை யாரும் மறக்க மாட்டார்கள். ஆர்.எஸ்.எஸ்-ஐ நாம் சமாதானப்படுத்த வேண்டிய அவசியம் இல்லை. CPI(M) காரர்களை அதிகம் கொன்றது ஆர்.எஸ்.எஸ் தான். பல உயிர்களை இழந்துள்ளோம்.

உயிர்கள் பறிக்கப்பட்ட போதும், வகுப்புவாதத்தை தனிமைப்படுத்தும் முயற்சியில் நாங்கள் தளர்ந்துவிடவில்லை. ஆர்.எஸ்.எஸ்ஸுடன் யாருக்கு தொடர்பு என்பது இங்குள்ள அனைவருக்கும் தெரியாதா?
ஆர்.எஸ்.எஸ் கிளைக்கு யார் காவலாக நின்றது என்பது அனைவருக்கும் தெரியும். அதை பகிரங்கமாக ஒப்புக்கொண்டது கேரள காங்கிரஸ் (கேபிசிசி) தலைவர் அல்லவா? அப்படியென்றால், உண்மையில் ஆர்.எஸ்.எஸ்ஸுடன் யாருக்கு தொடர்பு இருக்கிறது.

1984ல் தேசிய அளவில், ஆர்.எஸ்.எஸ்ஸுடன் காங்கிரசுக்கு என்ன மாதிரியான தொடர்பு இருந்தது? அப்போதைய ஆர்.எஸ்.எஸ்., சர்சங்கசாலக் மதுகர் தத்தாத்ராயா தியோராஸ் பெயர் எப்படி பிரபலமடைந்தது?
இது வரலாற்றில் நன்கு அறியப்பட்டதாகும். 1986ல் ராஜீவ் காந்தியுடன் தேர்தல் புரிந்துணர்வை ஏற்படுத்தினார்கள். அதன்பின்னர், சங்பரிவாரத்தின் அழுத்தத்தால், ராம் லல்லாவை நிறுவி வழிபாட்டிற்காகத் திறக்க முடிவு செய்தார்கள். இப்போது சொல்லுங்கள், ஆர்எஸ்எஸ் மீது யாருக்கு சாஃப்ட் கார்னர் உள்ளது?” என்றார்.

இதையும் படிங்க : ஹேமா கமிட்டி அறிக்கை; குற்றவாளிகள் பெரும்பாலும் மார்க்சிஸ்ட்: காங்கிரஸ் குற்றச்சாட்டு

திராவிடன் டைம்ஸின் செய்திகளை உடனுக்குடன் தெரிந்துக்கொள்ள

வாட்ஸ்அப்

ட்விட்டர் 

இன்ஸ்டாகிராம்