கர்நாடக காங்கிரஸில் உட்கட்சி பூசல் தீவிரம்.. முதல்வராகிறார் மல்லிகார்ஜுன் கார்கே?

Karnataka Congress: காங்கிரஸ் கட்சியின் அகில இந்திய தலைவர் மல்லிகாஜுன் கார்கே, கர்நாடக முதலமைச்சராக வந்தால் ஏற்போம் என்கிறார் பரமேஸ்வரர்.

மல்லிகாஜுன் கார்கே, சித்த ராமையா, பரமேஸ்வர்

BySaranya JK

Published on: April 30, 2026 at 1:01 pm

பெங்களூரு, ஏப்.30, 2026: கர்நாடக அரசியலில் புதிய பரபரப்பை ஏற்படுத்தியுள்ளார் மாநில உள்துறை அமைச்சர் ஜி. பரமேஸ்வர். அவர், “மல்லிகார்ஜுன் கார்கே முதல்வராக பதவியேற்றால் அனைவரும் வரவேற்போம்” என்று கூறியதால், காங்கிரஸ் கட்சியின் உள்கட்டமைப்பு விவாதங்கள் மீண்டும் தீவிரமடைந்துள்ளன. இது குறித்து, “கார்கே முதல்வராக வந்தால் அனைவரும் மகிழ்ச்சியுடன் வரவேற்போம். அவர் மிகுந்த அனுபவமுள்ள மூத்த தலைவர்” என்று பரமேஸ்வர் தெரிவித்துள்ளார்.

கார்கே, தற்போது அகில இந்திய காங்கிரஸ் கமிட்டி (AICC) தலைவர் மற்றும் ராஜ்யசபா எதிர்க்கட்சித் தலைவரா மல்லிகார்ஜுன் கார்கே உள்ளார். இதற்கிடையில், அவர் கர்நாடக அரசியலில் நீண்ட கால அனுபவம் பெற்றவர் என்பதால், அவரின் பெயர் “ஒற்றுமை வேட்பாளர்” எனக் கருதப்படலாம் என்று பரமேஸ்வர் குறிப்பிட்டார்.

அரசியல் பரபரப்பு

கர்நாடக காங்கிரஸில் முதல்வர் சித்தராமையா தொடர வேண்டும் என அவரது ஆதரவாளர்கள் வலியுறுத்துகின்றனர். அதேசமயம், துணை முதல்வர் டி.கே. சிவக்குமார் முதல்வர் பதவியை விரும்பி தீவிரமாக முயற்சி செய்து வருகிறார்.

இந்த நிலையில், கார்கேவின் பெயரை பரமேஸ்வர் முன்வைத்திருப்பது, உள்கட்சித் தலைமைப் போட்டியை புதிய திசைக்கு இட்டுச் சென்றுள்ளது. கார்கே, பட்டியல் தலித் சமூகத்தைச் சேர்ந்தவர் என்பதால், அவரின் பெயர் சமூக சமநிலையை வலுப்படுத்தும் வகையில் பார்க்கப்படுகிறது.

இதற்கிடையில், மே 4-ஆம் தேதி நடைபெறவுள்ள மாநில இடைத்தேர்தல் மற்றும் பிற மாநில தேர்தல் முடிவுகள் வந்த பிறகு, காங்கிரஸ் உயர் கட்டளை தலைமை மாற்றம் குறித்து முடிவு எடுக்கலாம் என்ற ஊகங்கள் நிலவுகின்றன.

இதையும் படிங்க : கேரளத்தில் ஆட்சியமைக்க போவது யார்? எக்ஸிட் போல் ரிசல்ட்!