National Herald case: ராகுல், சோனியா தொடர்புடைய சொத்துக்கள் பறிமுதல்!

Rahul, Sonia Gandhi in National Herald case: நேஷனல் ஹெரால்டு வழக்கில் ராகுல், சோனியா காந்தியுடன் தொடர்புடைய முக்கிய சொத்துக்களை வைத்திருப்பதாக அமலாக்கத்துறை நோட்டீஸ் அனுப்பியுள்ளது. இது அரசியல் வட்டாரத்தில் பெரும் பரபரப்பை ஏற்படுத்தியுள்ளது.

ராகுல், சோனியா காந்தி

ByDravidan Times Bureau

Published on: April 12, 2025 at 9:18 pm

புதுடெல்லி, ஏப்.12 2025: காங்கிரஸ் மூத்த தலைவர்கள் சோனியா மற்றும் ராகுல் காந்தியுடன் தொடர்புடைய அசையா சொத்துக்களை கையகப்படுத்தக் கோரி அமலாக்க இயக்குநரகம் நோட்டீஸ் அனுப்பியுள்ளது. இது அரசியல் வட்டாரத்தில் பெரும் பரபரப்பை ஏற்படுத்தியுள்ளது.

அமலாக்கத் துறை விடுத்துள்ள நோட்டீஸில், “நேஷனல் ஹெரால்டு பணமோசடி வழக்கில் ரூ.661 கோடி மதிப்புள்ள சொத்துக்களை பறிமுதல் செய்த பின்னர் டெல்லி, மும்பை மற்றும் லக்னோவில் உள்ள இடங்களை காலி செய்யக் கோரியதாக தெரிவித்துள்ளது.

இதற்கிடையில், டெல்லியில் உள்ள ஐடிஓவில் அமைந்துள்ள ஹெரால்டு ஹவுஸ், மும்பையின் பாந்த்ரா பகுதியில் உள்ள வளாகம் மற்றும் லக்னோவில் உள்ள பிஷேஷ்வர் நாத் சாலையில் அமைந்துள்ள அசோசியேட்டட் ஜர்னல்ஸ் லிமிடெட் கட்டிடத்தில் வெள்ளிக்கிழமை (ஏப்.11 2025) நோட்டீஸ் ஒட்டப்பட்டுள்ளது.

மேலும், இதனை அமலாக்கத் துறை இயக்குனரகம் தனது அறிக்கையில் தெரிவித்துள்ளது. இந்த வழக்கு, அசோசியேட்டட் ஜர்னல்ஸ் நிறுவனத்தை யங் இந்தியன் கையகப்படுத்தியது தொடர்பான நிதி முறைகேடுகள் மற்றும் நிதி முறைகேடு குற்றச்சாட்டுகளுடன் தொடர்புடையது ஆகும்.

இந்த விவகாரத்தில், பாஜகவின் முன்னாள் எம்பி சுப்பிரமணியன் சுவாமியால் முதல் புகார் அளிக்கப்பட்டது என்பது குறிப்பிடத்தக்கது.

இதையும் படிங்க: வக்ஃப் மசோதாவை நிறைவேற்ற மாட்டோம்: மம்தா பானர்ஜி உறுதி