பெங்களூருவில் சிகிச்சை பெற்ற இங்கிலாந்து மன்னர்

Bengaluru | இங்கிலாந்து மன்னர் சார்லஸ் பெங்ளூருவில் 3 நாட்கள் தங்கி இருந்து சிகிச்சை பெற்றுள்ளார்.

மன்னர் சார்லஸ் - ராணி கமிலா

king charles of england got treated in bangalore

ByDravidan Times Bureau

Published on: October 30, 2024 at 11:22 pm

Bengaluru | இங்கிலாந்து மன்னர் சார்லஸ் ராணி கமிலாவும் பெங்களூருவுக்கு தனிப்பட்ட பயணம் செய்துள்ளார். இந்த தம்பதியினர் பெங்களூரு சமேதனஹள்ளியில் உள்ள ‘சவுக்யா’ என்ற சர்வதேச ஹோலிஸ்டிக் மையத்தில் 3 நாட்கள் தங்கியிருந்து ஆயுர்வேத மற்றும் இயற்கை மருத்துவ சிகிச்சைகளை எடுத்துக் கொண்டனர்.

காலை நேரங்களில் யோகா பயிற்சி, சிகிச்சையின் ஒரு பகுதியாக சிறப்பான உணவு முறையை அவர்கள் கடைப்பிடித்தனர். மேலும் இங்கிலாந்து மன்னர் சார்லஸ், தியானம் உள்ளிட்ட பயிற்சிகளை மேற்கொண்டதோடு, தனது மனைவியுடன் நடைபயணம், இயற்கை விவசாயம் ஆகியவற்றையும் மேற்கொண்டார்.

3 நாட்கள் தங்கியிருந்த சார்லஸ்-கமிலா தம்பதி இன்று காலை இங்கிலாந்து புறப்பட்டுச் சென்றதாக தகவல் தெரிவிக்கப்பட்டுள்ளது. இதற்கு முன்பு 2019-ம் ஆண்டில் சார்லஸ் தனது 71-வது பிறந்தநாளை ‘சவுக்யா’ மையத்தில் கொண்டாடினார். இந்த மையத்தின் தலைவரான டாக்டர் ஈசாக் மதாய், இங்கிலாந்து மன்னர் சார்லஸின் முடிசூட்டு விழாவில் கலந்து கொள்ள அழைக்கப்பட்டிருந்தார் என்பது குறிப்பிடத்தக்கது.

இதையும் படிங்க வயநாடு மறு சீரமைப்பு பணிகள்; நிதி வழங்காத மோடி அரசு: பிரியங்கா பரப்புரை!