ஜார்க்கண்ட் சட்டமன்ற தேர்தல்: இடதுசாரிகள் தனித்துப் போட்டி: காங்கிரஸ் மீது குற்றச்சாட்டு!

Jharkhand Assembly Elections 2024 | ஜார்க்கண்ட் முக்தி மோர்சா, காங்கிரஸ் கூட்டணியில் சலசலப்பு ஏற்பட்டுள்ளது. இடதுசாரிகள் அதிருப்தியில் இருப்பதாக தகவல் வெளியாகி உள்ளது..

ஜார்க்கண்ட் முதலமைச்சர் ஹேமந்த் சோரன், ராகுல் காந்தி

Jharkhand Assembly Elections 2024 CPI M releases names of nine candidates

ByDravidan Times Bureau

Published on: October 24, 2024 at 5:38 pm

Jharkhand Assembly Elections 2024 | ஜார்கண்ட் சட்டமன்றத் தேர்தலில் இடதுசாரி கட்சிகள் காங்கிரஸ் மற்றும் ஜார்கண்ட் முக்தி மோர்ச்சா (ஜேஎம்எம்) உடன் இணைந்து போட்டியிடாது என்ற தகவல்கள் வெளியாகி உள்ளன. இடதுசாரி கட்சிகளின் கூற்றுப்படி, கூட்டணியில் போட்டியிட அவர்களுக்கு சீட் வழங்கப்படவில்லை என்று கூறப்படுகிறது. மேலும், “ஹரியானாவிலும் காங்கிரஸ் கட்சி இடதுசாரி கட்சிகளுக்கு எந்த இடத்தையும் கேட்டாலும் கொடுக்கவில்லை” என்றும் இடதுசாரிகள் கூறியுள்ளனர்.

ஜார்க்கண்ட் கூட்டணியில் ஜே.எம்.எம். 44 தொகுதிகளிலும், காங்கிரஸ் 31 தொகுதிகளிலும், ஆர்.ஜே.டி 6 தொகுதிகளிலும் போட்டியிடும் எனக் கூறப்படுகிறது. இது குறித்து பேசிய இடதுசாரி தலைவர் ஒருவர், “காங்கிரஸ் தங்களுக்கு போட்டியிட ஓர் இடம் தருவதாக வாக்குறுதி அளித்தது” என்றார்.

மார்க்சிஸ்ட் தனித்துப் போட்டி

ஜார்க்கண்ட் சட்டமன்றத் தேர்தலுக்கு முன்னதாக, இந்திய கம்யூனிஸ்ட் கட்சி (மார்க்சிஸ்ட்) புதன்கிழமை 9 வேட்பாளர்களின் பட்டியலை அறிவித்தது. சிபிஐ(எம்) வேட்பாளர்கள் தமர், பஹரகோரா, மந்தர், ஜமா, பாகூர், ஜம்தாரா, மகேஸ்பூர், சிசாய் மற்றும் சத்ரா உள்ளிட்ட ஒன்பது தொகுதிகளில் தேர்தலில் போட்டியிடுவார்கள்.

ஒன்பது சட்டமன்றத் தொகுதிகளில், தமர், சிசாய், மகேஸ்பூர், ஜமா மற்றும் மந்தர் உள்ளிட்ட ஐந்து தொகுதிகள் பட்டியல் பழங்குடியினருக்கும் (எஸ்டி) ஒரு இடமும், சத்ரா பட்டியல் சாதியினருக்கும் (எஸ்சி) ஒதுக்கப்பட்டுள்ளது. இந்த நிலையில், தமர், சிசாய், மந்தர், பஹரகோரா ஆகிய சட்டமன்றத் தொகுதிகளில் மார்க்சிஸ்ட் கம்யூனிஸ்ட் கட்சி வேட்பாளர்கள் வேட்புமனு தாக்கல் செய்துள்ளனர் என்பது குறிப்பிடத்தக்கது.

இதையும் படிங்க : உத்தரப் பிரதேச இடைத்தேர்தல்: பின்வாங்கிய காங்கிரஸ்: சைக்கிள் சின்னத்தில் இந்தியா கூட்டணி போட்டி!