Ancient Elephant Fossil Discovery: மத்தியப் பிரதேசத்தின் ரைசென் மாவட்டத்தில் நர்மதை ஆற்றங்கரையில் அரிப்பால் வெளிப்பட்ட புதைபடிவத் தாடை, பூமியில் வாழ்ந்த மிகப்பெரிய யானை இனங்களில் ஒன்றைச் சேர்ந்ததாக இருக்கலாம் என ஆய்வாளர்கள் கருதுகின்றனர்.
Ancient Elephant Fossil Discovery: மத்தியப் பிரதேசத்தின் ரைசென் மாவட்டத்தில் நர்மதை ஆற்றங்கரையில் அரிப்பால் வெளிப்பட்ட புதைபடிவத் தாடை, பூமியில் வாழ்ந்த மிகப்பெரிய யானை இனங்களில் ஒன்றைச் சேர்ந்ததாக இருக்கலாம் என ஆய்வாளர்கள் கருதுகின்றனர்.

Published on: November 18, 2026 at 3:51 pm
Updated on: November 18, 2026 at 3:54 pm
புதுடெல்லி, நவ.18, 2026: மத்தியப் பிரதேசத்தின் ரைசென் மாவட்டத்தில் நர்மதை ஆற்றங்கரையில் அரிப்பால் வெளிப்பட்ட புதைபடிவத் தாடை, பூமியில் வாழ்ந்த மிகப்பெரிய யானை இனங்களில் ஒன்றைச் சேர்ந்ததாக இருக்கலாம் என ஆய்வாளர்கள் கருதுகின்றனர். அழிந்துபோன பாலியோலாக்சோடான் நமாடிகஸ் (Palaeoloxodon namadicus) எனப்படும் வரலாற்றுக்கு முந்தைய நேரான தந்தங்களைக் கொண்ட யானை இனத்தின் புதைபடிவமாக இது இருக்கலாம்.
இந்தப் புதைபடிவம், மத்தியப் பிரதேசத்தின் ரைசென் மாவட்டம், தேவ்ரி தாலுகாவில் உள்ள பாட்டை (Patai) கிராமம் அருகே பாட்டை காட் பகுதியில் கண்டெடுக்கப்பட்டுள்ளது. நர்மதை ஆற்றின் நீரோட்டத்தால் ஏற்பட்ட நில அரிப்பில் புதைந்திருந்த எலும்புப் பகுதி வெளிப்பட்டுள்ளது.
புதைபடிவத்தின் தாடை அமைப்பு, கடைவாய்ப் பற்களின் வரிசை மற்றும் அது கண்டெடுக்கப்பட்ட புவியியல் அடுக்குகள் ஆகியவற்றை ஆய்வு செய்து, அது எந்த யானை இனத்தைச் சேர்ந்தது என்பதை ஆராய்ச்சியாளர்கள் முதற்கட்டமாக மதிப்பிட்டுள்ளனர்.
இந்த யானை இனம் சுமார் 4 முதல் 5 லட்சம் ஆண்டுகளுக்கு முன்பு இந்தப் பகுதியில் வாழ்ந்திருக்கலாம் என நம்பப்படுகிறது. இந்த கண்டுபிடிப்பு, அக்காலத்தில் நர்மதைப் பள்ளத்தாக்குப் பகுதியில் வாழ்ந்த விலங்கினங்கள் குறித்த ஆய்வுக்கு முக்கியத் தகவல்களை அளிக்கக்கூடும்.
இதையும் படிங்க : நக்சல் வன்முறையால் அதிகம் பாதிக்கப்பட்ட பழங்குடியினர்; வாக்களிக்கும் உரிமையும் மறுக்கப்பட்டது.. பிரதமர் மோடி
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
திராவிடன் டைம்ஸ்.காம் (www.dravidantimes.com) ஆன்லைன் செய்தித்தளம் ஆகஸ்ட் 18 2024ல் தொடங்கப்பட்டது. தமிழ்நாடு, இந்தியா, சர்வதேசம், வணிகம், லைஃப்ஸ்டைல், சினிமா, ஆன்மிகம், தொழில்நுட்பம், கல்வி மற்றும் வேலைவாய்ப்பு என பலதரப்பட்ட செய்திகளை பக்கச்சார்பின்றி வெளியிடுகிறது.


© 2024 dravidantimes.com – developed and designed by Thirdvizion.com