கல்யாண வீட்டு சுவையில் உருளைக்கிழங்கு பொரியல் செய்வது எப்படி?

How to make Urulaikilangu Poriyal | சுவையான உருளைக்கிழங்கு பொரியல் இப்படி பண்ணுங்க.

உருளைக்கிழங்கு பொரியல்

ByDravidan Times Bureau

Published on: November 15, 2024 at 10:06 am

How to make Urulaikilangu Poriyal | கல்யாண வீட்டு சுவையில் வீட்டிலேயே உருளைக்கிழங்கு பொரியல் எப்படி செய்யலாம் என்று பார்க்கலாம்.

தேவையான பொருட்கள்

உருளைக்கிழங்கு – 1/4 கிலோ
தேங்காய் எண்ணெய் – 3 ஸ்பூன்
கடுகு -1/2 டீஸ்பூன்
கறிவேப்பிலை -1 கொத்து
சின்ன வெங்காயம்- 20
பூண்டு – 10
குழம்பு மிளகாய் தூள் – 1 ஸ்பூன்
மஞ்சள் தூள் -1/2 ஸ்பூன்
மிளகாய் தூள் – 1 ஸ்பூன் (காரத்துக்கு ஏற்ப)
சோம்பு தூள் – 1/2 ஸ்பூன்
கரம் மசாலா -1/2 ஸ்பூன்
உப்பு – தேவையான அளவு
மிளகாய் -2
கொத்தமல்லி இலை – சிறிதளவு

செய்முறை

ஒரு கடாயில் தேங்காய் எண்ணெய் சேர்த்து எண்ணெய் காய்ந்ததும் அதனுடன் கடுகு சேர்க்க வேண்டும். கடுகு பொரிந்ததும் அதனுடன் ஒரு கொத்து கறிவேப்பிலை, இடித்த சின்ன வெங்காயம் சேர்த்து வதக்க வேண்டும். சின்ன வெங்காயத்தை தட்டி சேர்க்கும் பொழுது மிகவும் சுவையாக இருக்கும். வெங்காயம் வதங்கிய பின்னர் இதனுடன் தட்டிய பூண்டு பற்களை சேர்த்து கிளறி விட வேண்டும்.

இவை நன்கு வதங்கிய பின்னர் இதனுடன் குழம்பு மிளகாய் தூள், மஞ்சள் தூள், சோம்பு தூள், காரத்துக்கு ஏற்றவாறு மிளகாய் தூள், உப்பு மற்றும் கரம் மசாலா சேர்த்து வதக்க வேண்டும். மசாலா பொருட்களை சேர்க்கும் பொழுது அடுப்பு தீயை லோ ஃப்லேமில் வைத்து மசாலாவின் பச்சை வாடை நீங்கும் வரை கால் கிளாஸ் தண்ணீர் ஊற்றி வதக்க வேண்டும்.

மசாலா நன்கு வதங்கிய பின்னர் இதனுடன் வேக வைத்த உருளைக்கிழங்கை சிறு சிறு துண்டுகளாக நறுக்கி சேர்த்துக் கொள்ள வேண்டும். பின்னர் உருளைக்கிழங்கு மசாலாவுடன் நன்கு சேரும் வரை அடுப்புத்தீயை லோ பிளேமில் வைத்து கிளறி விட வேண்டும். இறுதியாக சிறிது கொத்தமல்லி இலைகளை சேர்க்கவும். இப்போது கல்யாண வீட்டு சுவையில் உருளைக்கிழங்கு பொரியல் தயார்.

இதையும் படிங்க : ஹெல்தியான கோவை ஸ்பெஷல் பச்சை பயறு குழம்பு செய்வது எப்படி?