How to make roadside parotta salna | சுவையான ரோட்டு கடை பரோட்டா சால்னா இப்படி பண்ணுங்க.
How to make roadside parotta salna | சுவையான ரோட்டு கடை பரோட்டா சால்னா இப்படி பண்ணுங்க.
Published on: November 29, 2024 at 10:11 am
How to make roadside parotta salna | சப்பாத்தி, பரோட்டா உடன் சேர்த்து சாப்பிடக்கூடிய அட்டகாசமான ரோட்டு கடை பரோட்டா சால்னா எப்படி செய்யலாம் என்று பார்க்கலாம்.
தேவையான பொருட்கள்
எண்ணெய் -3 டேபிள் ஸ்பூன்
சோம்பு -1/2 டீஸ்பூன்
பட்டை – சிறிய துண்டு
கல்பாசி – சிறிதளவு
கிராம்பு – 3
பிரிஞ்சி இலை – 1
பெரிய வெங்காயம் -2
தக்காளி -2
பச்சை மிளகாய் -2
புதினா இலை – சிறிதளவு
மல்லித்தூள் – 1/2 ஸ்பூன்
மிளகாய் தூள் -1 ஸ்பூன்
கடலை மாவு -1 ஸ்பூன்
கொத்தமல்லி இலை- சிறிதளவு
அரைக்க வேண்டியவை
சீரகம் -1/2 ஸ்பூன்
மிளகு -1/2 ஸ்பூன்
ஏலக்காய் -2
பட்டை -1 துண்டு
கல்பாசி – சிறிதளவு
கிராம்பு -3
பூண்டு -6 பல்லு
இஞ்சி – 2 துண்டு
சின்ன வெங்காயம் -5
பிரிஞ்சி இலை -1
தேங்காய் – 1/2 கப்
கசகசா -1 ஸ்பூன்
முந்திரி -5
செய்முறை
ஒரு மிக்ஸி ஜாரில் சீரகம், மிளகு, ஏலக்காய் பட்டை, கல்பாசி கிராம்பு, பூண்டு, இஞ்சி சின்ன வெங்காயம், பிரிஞ்சி இலை மற்றும் சிறிதளவு தண்ணீர் சேர்த்து மை போன்று நன்கு அரைத்து எடுத்துக் கொள்ள வேண்டும். ஒரு கடாயில் எண்ணெய் சேர்த்து எண்ணெய் காய்ந்ததும் அதில் சோம்பு, பட்டை, கல்பாசி, கிராம்பு, சேர்த்து வறுக்க வேண்டும். பின்னர் இதனுடன் நீளவாக்கில் மெலிதாக நறுக்கிய பெரிய வெங்காயத்தை சேர்த்து வெங்காயம் பொன்னிறமாக மாறும்வரை வதக்க வேண்டும்.
இதனுடன் சிறிதளவு உப்பு சேர்த்து வதக்கும் போது வெங்காயம் விரைவாக வதங்கும். பின்னர் இதனுடன் சிறிய துண்டுகளாக நறுக்கிய தக்காளியை சேர்த்து தக்காளி மசிந்து வேகும் வரை நன்கு வதக்க வேண்டும். இதனுடன் பச்சை மிளகாய் மற்றும் புதினா இலை சேர்த்து வதக்கவும். பின்னர் இதனுடன் 1/4 டீஸ்பூன் மஞ்சள் தூள் மற்றும் ஏற்கனவே தயார் செய்து வைத்த மசாலா கலவையை சேர்த்து அடுப்பு தீயை லோ பிளேமில் வைத்து மசாலாவின் பச்சை வாடை நீங்கும் வரை நன்கு வதக்க வேண்டும்.
பின்னர் இதனுடன் மல்லித்தூள் மற்றும் மிளகாய் தூள் சேர்த்து மசாலாவின் பச்சை வாடை நீங்கும் வரை வதக்க வேண்டும். இதனுடன் 1/4 கப் தண்ணீர் சேர்த்து கொதிக்க விட வேண்டும். ஒரு மிக்ஸி ஜாரில் தேங்காய், முந்திரி மற்றும் 10 நிமிடம் நீரில் ஊற வைத்த கசகசா சேர்த்து இதனுடன் சிறிது தண்ணீர் ஊற்றி மை போன்று அரைத்து எடுத்துக் கொள்ள வேண்டும். இந்த விழுதினை சால்னா உடன் சேர்ந்து நன்கு கலந்து விட வேண்டும்.
இதனுடன் சால்னாவுக்கு தேவையான அளவு தண்ணீர் சேர்த்துக்கொள்ள வேண்டும். இதனுடன் ஒரு ஸ்பூன் கடலை மாவை நீரில் கரைத்து சேர்த்துக் கொள்ளவும். இந்த சமயத்தில் தேவையான அளவு உப்பு சேர்த்து உப்பு சரி பார்த்துக் கொள்ளவும். இதை மூடி போட்டு அடுப்பு தீயை மீடியம் ஃப்ளேமில் வைத்து 20 நிமிடம் கொதிக்க விட வேண்டும். இறுதியாக சிறிதளவு கொத்தமல்லி இலைகளை சேர்த்து பரிமாறவும். இப்போது சுவையான ரோட்டு கடை பரோட்டா சால்னா தயார்.
இதையும் படிங்க : ஹெல்தியான கோவை ஸ்பெஷல் பச்சை பயறு குழம்பு செய்வது எப்படி?
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
திராவிடன் டைம்ஸ்.காம் (www.dravidantimes.com) ஆன்லைன் செய்தித்தளம் ஆகஸ்ட் 18 2024ல் தொடங்கப்பட்டது. தமிழ்நாடு, இந்தியா, சர்வதேசம், வணிகம், லைஃப்ஸ்டைல், சினிமா, ஆன்மிகம், தொழில்நுட்பம், கல்வி மற்றும் வேலைவாய்ப்பு என பலதரப்பட்ட செய்திகளை பக்கச்சார்பின்றி வெளியிடுகிறது.
© 2024 dravidantimes.com – developed and designed by Thirdvizion.com
