முருங்கை காயில் இப்படி ஓர் தொக்கா? டேஸ்ட் அள்ளும், செஞ்சு அசத்துங்க!

Food: எளிதில் செய்யக்கூடிய முருங்கைக்காய் தொக்கு. இப்படி செஞ்சு பாருங்க.

முருங்கைக்காய் தொக்கு

ByPushpa Gopinath

Published on: March 26, 2025 at 1:39 pm

சுலபமாக செய்யக்கூடிய காரசாரமான முருங்கைக்காய் தொக்கு எப்படி செய்யலாம் என்று பார்க்கலாம்.

தேவையான பொருள்கள்

எண்ணெய் -2 டேபிள்ஸ்பூன்
கடுகு- 1 டீஸ்பூன்
சின்ன வெங்காயம் -25
பூண்டு – ஒரு கைப்பிடி அளவு
கருவேப்பிலை -1 கொத்து
தக்காளி -1
மஞ்சள் தூள் -¼ டீ ஸ்பூன்
குழம்பு மசாலா தூள்-2 டேபிள் ஸ்பூன்
முருங்கைக்காய் -1
உப்பு- தேவையான அளவு
கொத்தமல்லி இலை – ஒரு கைப்பிடி அளவு

செய்முறை

ஒரு கடாயில் எண்ணெய் சேர்த்து எண்ணெய் காய்ந்ததும் கடுகு சேர்க்கவும். கடுகு பொரிந்ததும் அதில் நறுக்கிய சின்ன வெங்காயம் சேர்த்து வதக்க வேண்டும். சின்ன வெங்காயத்திற்கு பதிலாக பெரிய வெங்காயம் சேர்க்கலாம். வெங்காயம் வேகமாக வதங்குவதற்காக சிறிது உப்பு சேர்த்துக் கொள்ளலாம். வெங்காயம் பொன்னிறமாக மாறிய பின்னர் ஒரு கைப்பிடி அளவு பூண்டு பற்களை தட்டி சேர்த்துக் கொள்ளவும்.

இதையும் படிங்க மட்டன் சுவையில் காலிஃபிளவர் கோலா உருண்டை கிரேவி – இப்டி செஞ்சு பாருங்க!

பின்னர் இதனுடன் ஒரு கொத்து கருவேப்பிலை மற்றும் ஒரு பழுத்த தக்காளியை பொடியாக நறுக்கி சேர்த்துக் கொள்ளவும். தக்காளி நன்கு மசிந்து வெந்த பின்னர் இதனுடன் மஞ்சள் தூள், குழம்பு மசாலா தூள் சேர்த்து வதக்கவும். மசாலாவின் பச்சை வாடை நீங்கிய பின்னர் இதனுடன் ஒரு விரல் அளவு நீள வாக்கில் நறுக்கிய முருங்கைக்காயை சேர்த்து கிளறி விடவும்.

தொக்குக்கு தேவையான உப்பு சேர்த்துக் கொள்ளவும். பின்னர் இதனுடன் இரண்டு டம்ளர் தண்ணீர் சேர்த்து தொக்கினை மூடி வைத்து முருங்கைக்காயை வேக விடவும். இடையிடையே தொக்கினை கிளறி விடவும். முருங்கைக்காய் வெந்து வந்த பின்னர் இறுதியாக ஒரு கைப்பிடி அளவு கொத்தமல்லி இலைகளை தூவி இறக்கவும். இப்போது சுவையான, காரசாரமான முருங்கைக்காய் தொக்கு தயார். இதை ரசம், தயிர் சாதம், சாம்பார் சாதம் மற்றும் சுடு சோறுடன் சேர்த்து சாப்பிட சுவையாக இருக்கும்.

இதையும் படிங்க ருசி அள்ளும் கருப்பு கடலை கறி குழம்பு.. இப்படி செஞ்சு அசத்துங்க!