மட்டன் சுவையில் காலிஃபிளவர் கோலா உருண்டை கிரேவி – இப்டி செஞ்சு பாருங்க!

How to make cauliflower kola urundai gravy | காலிஃப்ளவர் கோலா உருண்டை கிரேவி இப்படி பண்ணுங்க.

காலிஃப்ளவர் கோலா உருண்டை கிரேவி

ByDravidan Times Bureau

Published on: December 5, 2024 at 10:01 am

How to make cauliflower kola urundai gravy | பொதுவாக காலிஃபிளவரை பயன்படுத்தி வருவல், பொறியியல் போன்றவை செய்திருப்போம். ஆனால் காலிஃப்ளாரை பயன்படுத்தி செய்யக்கூடிய கோலா உருண்டை மட்டன் சுவையில் மிகவும் அருமையாக இருக்கும். சுவையான காலிஃப்ளவர் கோலா உருண்டை கிரேவி எப்படி செய்யலாம் என்று பார்க்கலாம்.

தேவையான பொருள்கள்

கோலா உருண்டை தயாரிக்க

காலிஃப்ளவர் – 1 கப்
பெரிய வெங்காயம் -1
பச்சை மிளகாய் -2
கொத்தமல்லி இலை- ஒரு கைப்பிடி அளவு
காஷ்மீர் மிளகாய்த்தூள் -1 டீஸ்பூன்
மஞ்சள் தூள் -¼ டீஸ்பூன்
கரம் மசாலா -½ டீஸ்பூன்
இஞ்சி பூண்டு விழுது-½ டீஸ்பூன்
கடலை மாவு -2 டேபிள் ஸ்பூன்
உப்பு – தேவையான அளவு

அரைக்க வேண்டியவை

தக்காளி -2
முந்திரி -10
பச்சை மிளகாய் -2

கிரேவி தயாரிக்க

பிரிஞ்சி இலை -1
பட்டை-1
ஏலக்காய்-2
கிராம்பு -3
சோம்பு -½ டீஸ்பூன்
பெரிய வெங்காயம் -2
இஞ்சி பூண்டு விழுது-1 டீஸ்பூன்
மிளகாய் தூள் -1 டீஸ்பூன்
மல்லித்தூள் -½ டீஸ்பூன்
மஞ்சள் தூள் -¼ டீஸ்பூன்
கரம் மசாலா -½ டீஸ்பூன்
தேங்காய் பால் -½ கப்

செய்முறை

காலிஃப்ளவரை உப்பு போட்ட வெதுவெதுப்பான நீரில் கழுவி சுத்தம் செய்து எடுத்துக் கொள்ள வேண்டும். பின்னர் காலிபிளவரை காய்கறி சீவலை பயன்படுத்தி துருவி எடுத்துக் கொள்ள வேண்டும். இதனுடன் சிறு துண்டுகளாக நறுக்கிய பெரிய வெங்காயம், பச்சை மிளகாய், கொத்தமல்லி இலை, காஷ்மீர் மிளகாய் தூள் மஞ்சள் தூள், கரம் மசாலா, இஞ்சி பூண்டு விழுது, கடலை மாவு மற்றும் தேவையான அளவு உப்பு சேர்த்து நன்கு பிசைந்து தண்ணீர் சேர்க்காமல் சிறு சிறு உருண்டைகளாக பிடித்து எடுத்துக் கொள்ளவும்.

கடலை மாவுக்கு பதிலாக அரிசி மாவு, மைதா மாவு அல்லது கார்ன்ஃப்ளார் மாவு கூட சேர்த்துக் கொள்ளலாம். ஒரு கடாயில் எண்ணெய் சேர்த்து எண்ணெய் காய்ந்ததும் ஏற்கனவே தயார் செய்து வைத்த கோலா உருண்டைகளை சேர்த்து பொன்னிறமாக வரும் வரை பொறித்து எடுத்துக் கொள்ள வேண்டும். அடுப்பு தீயை மீடியம் ஃப்ளேமில் வைத்து பொறித்தால் கோலா உருண்டைகள் நன்கு வெந்து இருக்கும்.

ஒரு மிக்ஸி ஜாரில் இரண்டு தக்காளி, முந்திரி மற்றும் பச்சை மிளகாய் சேர்த்து தண்ணி சேர்க்காமல் அரைத்து எடுத்துக் கொள்ள வேண்டும். ஒரு கடாயில் எண்ணெய் சேர்த்து எண்ணெய் காய்ந்ததும் அதில் சோம்பு, பட்டை, கிராம்பு, ஏலக்காய், பிரிஞ்சி இலை சேர்க்கவும். இதனுடன் இரண்டு பெரிய வெங்காயம் சிறு சிறு துண்டுகளாக நறுக்கி சேர்த்துக் கொள்ளவும். வெங்காயம் வேகமாக வதங்குவதற்காக சிறிது உப்பு சேர்க்கவும்.

வெங்காயம் பொன்னிறமாக மாறிய பின்னர் இதனுடன் இஞ்சி பூண்டு பேஸ்ட் சேர்த்து பச்சை வாடை நீங்கும் வரை வதக்கவும். பின்னர் இதனுடன் ஏற்கனவே அரைத்து வைத்த கலவையை சேர்த்து நன்கு கிளறி விடவும் இதனுடன் மிளகாய்த்தூள், மல்லி தூள், மஞ்சள் தூள், கரம் மசாலா மற்றும் அரை கப் அடர்த்தியான தேங்காய் பால் சேர்த்து நன்கு கிளறி விடவும்.

இதனுடன் கிரேவிக்கு தேவையான தண்ணீர் சேர்த்து நன்கு கொதிக்க விட வேண்டும். நன்கு கொதித்து எண்ணெய் பிரிந்ததும் இதனுடன் கோலா உருண்டைகளை சேர்த்து இரண்டு நிமிடம் மூடி போட்டு வேக வைக்கவும். கோலா உருண்டைகளை சேர்த்த பின்னர் நீண்ட நேரம் கொதிக்க விட்டால் உருண்டைகள் உடைந்து விடும். இப்போது காலிஃப்ளவர் கோலா உருண்டை கிரேவி தயார்.

இதையும் படிங்க : ஸ்பெஷலான ஸ்பானிஷ் ஆம்லெட் ; முட்டையை இப்படி செஞ்சு பாருங்க ; சுவை அள்ளும்!