Namit Malhotra: 2008-ல் 90% சொத்துகளை இழந்தேன் என ரூ.4,000 கோடி ‘ராமாயணம்’ படத் தயாரிப்பாளர் நமித் மல்ஹோத்ரா தெரிவித்துள்ளார்.
Namit Malhotra: 2008-ல் 90% சொத்துகளை இழந்தேன் என ரூ.4,000 கோடி ‘ராமாயணம்’ படத் தயாரிப்பாளர் நமித் மல்ஹோத்ரா தெரிவித்துள்ளார்.
Published on: October 30, 2026 at 2:59 pm
மும்பை, அக்.30, 2026: ‘ராமாயணம்’ திரைப்படத்தைத் தயாரித்து வரும் நமித் மல்ஹோத்ரா, 2008ஆம் ஆண்டு ஏற்பட்ட உலகப் பொருளாதார நெருக்கடியின்போது தனது செல்வத்தில் 90 சதவீதத்தை இழந்ததாகத் தெரிவித்துள்ளார். அமெரிக்காவில் சர்வதேச அளவிலான நிறுவனத்தை உருவாக்கும் கனவுடன் சென்றபோது, பொருளாதார மந்தநிலை தனது தொழிலையும் வாழ்க்கையையும் கடுமையாகப் பாதித்ததாக அவர் நினைவுகூர்ந்துள்ளார்.
மும்பையில் சிறிய கேரேஜில், ஒரு ஆப்பிள் கணினியுடன் தனது 19 வயதில் வீடியோ எடிட்டிங் மற்றும் கணினி வரைகலைப் பணிகளைத் தொடங்கியதாக நமித் கூறியுள்ளார். பின்னர் தனது தந்தையின் நிறுவனத்துடன் இணைந்து பிரைம் ஃபோகஸ் நிறுவனத்தை உருவாக்கினார். தொடர்ந்து, லண்டனைச் சேர்ந்த டபுள் நெகட்டிவ் நிறுவனத்துடன் இணைந்து DNEG என்ற சர்வதேச விஷுவல் எஃபெக்ட்ஸ் நிறுவனத்தை வளர்த்தெடுத்தார்.
தற்போது DNEG நிறுவனம் பல ஆஸ்கர் விருதுகளை வென்றுள்ள நிலையில், நமித் மல்ஹோத்ரா இந்தியத் திரையுலகின் மிகப் பிரம்மாண்டமான படைப்புகளில் ஒன்றாகக் கருதப்படும் ‘ராமாயணம்’ திரைப்படத்தை உருவாக்கி வருகிறார். சுமார் ரூ.4,000 கோடி பட்ஜெட்டில் இரண்டு பாகங்களாக உருவாகும் இப்படத்தில் ரன்பீர் கபூர் ராமராகவும், சாய் பல்லவி சீதையாகவும், யஷ் ராவணனாகவும் நடித்துள்ளனர்.
லாஸ் ஏஞ்சல்ஸில் நடைபெற்ற படத்தின் சிறப்புத் திரையிடலில் பேசிய நமித், தனது நீண்டகாலக் கனவு நனவாகியுள்ளதாகவும், இந்திய மற்றும் மேற்கத்திய திரைப்படத் தொழில்நுட்பக் கலைஞர்களை ஒன்றிணைத்து உலகத் தரத்தில் இப்படத்தை உருவாக்கியுள்ளதாகவும் தெரிவித்தார். கடுமையான நிதி நெருக்கடியிலிருந்து மீண்டு, இன்று சர்வதேச அளவிலான திரைப்படத்தை உருவாக்கும் நிலையை அடைந்திருப்பது தனது வாழ்க்கையில் மிக முக்கியமான தருணம் என்றும் அவர் குறிப்பிட்டுள்ளார்.
இதையும் படிங்க : நான் உங்களின் மிகப்பெரிய ரசிகன்.. மனைவி அதிதி ராவ் ஹைதரிக்கு சித்தார்த் காதல் வாழ்த்து!
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
திராவிடன் டைம்ஸ்.காம் (www.dravidantimes.com) ஆன்லைன் செய்தித்தளம் ஆகஸ்ட் 18 2024ல் தொடங்கப்பட்டது. தமிழ்நாடு, இந்தியா, சர்வதேசம், வணிகம், லைஃப்ஸ்டைல், சினிமா, ஆன்மிகம், தொழில்நுட்பம், கல்வி மற்றும் வேலைவாய்ப்பு என பலதரப்பட்ட செய்திகளை பக்கச்சார்பின்றி வெளியிடுகிறது.
© 2024 dravidantimes.com – developed and designed by Thirdvizion.com
