Tanu Weds Manu 3: ‘தனு வெட்ஸ் மனு 3’ படத்தில் மாதவன், கங்கனா இல்லாமல் முடியாது என ஆனந்த் எல். ராய் தெரிவித்துள்ளார்.
Tanu Weds Manu 3: ‘தனு வெட்ஸ் மனு 3’ படத்தில் மாதவன், கங்கனா இல்லாமல் முடியாது என ஆனந்த் எல். ராய் தெரிவித்துள்ளார்.
Published on: October 30, 2026 at 1:03 pm
மும்பை, அக்.30, 2026: பிரபல பாலிவுட் காதல் நகைச்சுவைத் திரைப்படமான ‘தனு வெட்ஸ் மனு’ படத்தின் மூன்றாம் பாகம், நடிகர்கள் மாதவன் மற்றும் கங்கனா ரனாவத் இல்லாமல் உருவாகாது என்று இயக்குநர் ஆனந்த் எல். ராய் தெரிவித்துள்ளார். இந்தப் படத்தின் புதிய பாகத்தில் இருவரும் மீண்டும் இணைய வேண்டும் என்பதில் அவர் உறுதியாக இருப்பதாகக் கூறியுள்ளார்.
ஆனந்த் எல். ராய் இயக்கத்தில் கடந்த 2011ஆம் ஆண்டு வெளியான ‘தனு வெட்ஸ் மனு’ திரைப்படம் ரசிகர்களிடம் நல்ல வரவேற்பைப் பெற்றது. இதனைத் தொடர்ந்து 2015ஆம் ஆண்டு வெளியான ‘தனு வெட்ஸ் மனு ரிட்டர்ன்ஸ்’ திரைப்படமும் வணிக ரீதியாக வெற்றி பெற்றது. இந்த இரு படங்களிலும் மாதவன் மற்றும் கங்கனா முக்கிய கதாபாத்திரங்களில் நடித்திருந்தனர்.
இந்நிலையில், ‘தனு வெட்ஸ் மனு 3’ திரைப்படம் புதிய நடிகர்களுடன், தனித்துவமான கதைக்களத்தில் உருவாக இருப்பதாகத் தகவல்கள் வெளியாகின. இதற்குப் பதிலளித்த இயக்குநர், இந்தத் திரைப்படத் தொடரின் அடுத்த பாகம் உருவானாலும் மாதவன் மற்றும் கங்கனா இருவரும் அதில் இடம்பெறுவது அவசியம் என்று தெரிவித்துள்ளார்.
மேலும், திரைப்படத்தின் பட்ஜெட்டை விட கதைக்கே தான் முக்கியத்துவம் அளிப்பதாக ஆனந்த் எல். ராய் கூறியுள்ளார். சிறிய பட்ஜெட்டாக இருந்தாலும், பெரிய பட்ஜெட்டாக இருந்தாலும் ரசிகர்களைக் கவரும் கதைதான் முக்கியம் என்றும் அவர் தெரிவித்துள்ளார். இதனால், ‘தனு வெட்ஸ் மனு 3’ படத்தின் அடுத்தகட்ட அறிவிப்புகள் குறித்த எதிர்பார்ப்பு ரசிகர்களிடையே அதிகரித்துள்ளது.
இதையும் படிங்க : ‘பெத்தி’ படத்தில் பெண்கள் சித்தரிப்பு சர்ச்சை.. வருத்தம் தெரிவித்த ஜான்வி கபூர்!
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
திராவிடன் டைம்ஸ்.காம் (www.dravidantimes.com) ஆன்லைன் செய்தித்தளம் ஆகஸ்ட் 18 2024ல் தொடங்கப்பட்டது. தமிழ்நாடு, இந்தியா, சர்வதேசம், வணிகம், லைஃப்ஸ்டைல், சினிமா, ஆன்மிகம், தொழில்நுட்பம், கல்வி மற்றும் வேலைவாய்ப்பு என பலதரப்பட்ட செய்திகளை பக்கச்சார்பின்றி வெளியிடுகிறது.
© 2024 dravidantimes.com – developed and designed by Thirdvizion.com
