2025ல் அதிக வசூல் செய்த தமிழ் படம்: குட் பேட் அக்லி 6ம் நாள் வசூல் நிலவரம்!

Good Bad Ugly box office collection day 6: நடிகர் அஜித் குமாரின் குட் பேட் அக்லி திரைப்படத்தின் 6ம் நாள் வசூல் நிலவரம் வெளியாகி உள்ளது. 2025ல் அதிக வசூல் செய்த தமிழ் படமாக குட் பேட் அக்லி உருவெடுத்துள்ளது.

நடிகர் அஜித் குமார்

ByAkila Ramakrishnan

Published on: April 16, 2025 at 7:05 pm

அஜித் குமார் மற்றும் திரிஷா நடிப்பில் ஆதிக் ரவிச்சந்திரன் இயக்கிய குட் பேட் அக்லி திரைப்படம் வசூலை குவித்து வருகிறது. இதற்கிடையில், இளையராஜாவின் பாடல்களைச் சுற்றியுள்ள சர்ச்சைகள் காரணமாக படம் மற்றொரு சவாலை எதிர்கொண்டது.

இந்த நிலையில், செவ்வாய்க்கிழமை (ஏப்.15 2025) படத்தின் வசூல் சரிந்தது. சக்னில்க் கருத்துப்படி, இந்தப் படம் இந்தியாவில் ₹107.80 கோடி நிகர வருவாயை ஈட்டியுள்ளது.

குட் பேட் அக்லி பட கலெக்ஷன்

இந்த நிலையில், செவ்வாய்க்கிழமை குட் பேட் அக்லி ₹6.50 கோடி வசூல் செய்து மொத்த வசூல் ₹107.80 கோடியாக உயர்ந்துள்ளதாக வர்த்தக வலைத்தளம் தெரிவித்துள்ளது.

முன்னதாக, திங்கட்கிழமை (ஏப்.14 2025) படம் ₹15 கோடி வசூலுடன் ₹100 கோடியை தாண்டி, உலகளவில் ₹171.50 கோடி வசூல் செய்தது. இதன்மூலம் 2025 ஆம் ஆண்டில் அதிக வசூல் செய்த தமிழ் படமாக இது அமைந்தது. மேலும், இந்தப் படம் தமிழ்நாட்டில் மட்டும் ₹100 கோடி வசூல் செய்துள்ளது.

ஏப்.10 வெளியீடு

அஜித் குமாரின் குட் பேட் அக்லி படம் ஏப்.10ஆம் தேதி திரையரங்குகளில் வெளியானது. இந்தப் படத்தில் ரெட் டிராகன் ஆக நடிகர் அஜித் குமார் நடித்துள்ளார். அஜித் மனைவி (ரம்யா (திரிஷா) மற்றும் மகனை காப்பாற்ற மீண்டும் டான் ஆக உருமாறும் வகையில் படம் அமைக்கப்பட்டுள்ளது.

இதையும் படிங்க : மகேஷ் பாபுக்கு ஓகே.. அல்லு அர்ஜுனுக்கு நோ.. பிரியங்கா சோப்ரா விளக்கம்!