நடிகை மோனல் மரணம்: ஓடோடிய 23 ஆண்டுகள்.. தங்கையை நினைத்து சிம்ரன் உருக்கம்..!

Actress Simran: நடிகை சிம்ரனின் தங்கை, நடிகை மோனல் 23 ஆண்டுகளுக்கு முன்பு தற்கொலை செய்து கொண்டார்.

தங்கை மோனலுடன் நடிகை சிம்ரன்

Actress Simrans heartfelt post on actress Monals 23rd anniversary

ByAkila Ramakrishnan

Published on: April 16, 2025 at 11:35 am

Updated on: April 16, 2025 at 11:39 am

தமிழ் சினிமாவில், 90 காலகட்டங்களில் கொடிகட்டி பறந்தவர் நடிகை சிம்ரன். கிட்டத்தட்ட இரு தசாபங்களுக்கு மேலாக தமிழ் சினிமாவில் இவர் ஒரு ரவுண்டு வந்தார். குடும்ப பாங்கான கதாபாத்திரம் என்றாலும் சரி; கவர்ச்சி வேடம் என்றாலும் சரி சிம்ரன் ஒரு கை பார்த்து விடுவார்.

இவரின் தங்கை மோனலும் நடிகையாக தான் இருந்து வந்தார். இவர் பார்வை ஒன்றே போதுமே என்ற படத்தில் அறிமுகமானார். நடிகர் குணால், நடிகை மோனல் நடிப்பில் வெளியான இந்தப் படம் ரசிகர்கள் மத்தியில் நீங்காத இடம் பிடித்தது.

இந்தப் படத்தில் உள்ள பாடல்கள் இன்றளவும் ரசிகர்களால் கொண்டாடப்படுகின்றன. இதைத் தொடர்ந்து, சமுத்திரம், பத்ரி, இஷ்டம், விவரமான ஆளு உள்ளிட்ட படங்களில் நடிகை மோனல் நடித்தார். நடிகை சிம்ரன் போன்ற மிகப்பெரிய நடிகையாக மோனல் வருவார் என்று எதிர்பார்க்கப்பட்ட நிலையில் 2022 ஆம் ஆண்டு யாரும் எதிர்பாராத வண்ணம் நடிகை மோனல் தற்கொலை செய்து கொண்டார்.

தமிழ் சினிமாவில் இந்த தற்கொலை மிகப்பெரிய பரபரப்பை ஏற்படுத்தி இருந்தது. சிறிய வயதில் நடிகை மோனல் இவ்வாறு முடிவு எடுத்தது ஏன்? என்பது புரியாத புதிராகவே இருந்தது. இந்த நிலையில் நடிகை மோனல் குறித்து சிம்ரன் சமூக வலைதளத்தில் அவரை நினைவுகூர்ந்து உருக்கமான பதிவு ஒன்றை பதிவிட்டுள்ளார்.

அந்தப் பதிவில், ” இந்த 23 ஆண்டுகளில் ஒரு நாள் கூட உன்னை நாங்கள் நினைக்காமல் இருந்ததில்லை; நீ மறைந்து இருக்கலாம்.. ஆனால் யாராலும் மறக்கப்படவில்லை” என தெரிவித்துள்ளார்.

இதையும் படிங்க: மீண்டும் போலீஸாக விஜயசாந்தி.. காக்கி உடுப்பில் மிடுக்கு.. 10 கிலோ எடை குறைப்பு..!