கீர்த்தி சுரேஷ் – ராதிகா ஆப்தே நடிப்பில் ‘அக்கா’ வெப் தொடர்.. எப்படி இருக்கிறது?

Akka Web Series Review: கீர்த்தி சுரேஷ் – ராதிகா ஆப்தே நடிப்பில் ‘அக்கா’ வெப் தொடர் எப்படி இருக்கிறது?

அக்கா வெப் தொடர்

ByThilahavathy P

Published on: October 31, 2026 at 12:41 pm

ஹைதராபாத், அக்.31, 2026: கீர்த்தி சுரேஷ், ராதிகா ஆப்தே நடிப்பில் உருவாகியுள்ள ‘அக்கா’ வெப் தொடர் அக்டோபர் 30ஆம் தேதி நெட்ஃபிளிக்ஸ் ஓடிடி தளத்தில் வெளியாகியுள்ளது. பெண்கள் ஆதிக்கம் செலுத்தும் ஒரு கற்பனையான அரசியல் மற்றும் அதிகார உலகத்தை மையமாகக் கொண்டு இந்த கிரைம் திரில்லர் தொடர் உருவாக்கப்பட்டுள்ளது.

தென்னிந்தியாவில் அமைந்துள்ளதாகக் காட்டப்படும் கற்பனையான பெர்னூரு என்ற பகுதியில் கதை நடைபெறுகிறது. 800 ஆண்டுகளுக்கு முந்தைய காலகட்டம் மற்றும் 1980களுக்கு இடையே கதை பயணிக்கிறது. அந்தப் பகுதியின் தலைவியாக பவானி என்ற கதாபாத்திரத்தில் கீர்த்தி சுரேஷும், அதிகாரத்தைக் கைப்பற்ற வரும் ருத்ரா என்ற கதாபாத்திரத்தில் ராதிகா ஆப்தேவும் நடித்துள்ளனர்.

யாஷ் ராஜ் பிலிம்ஸ் தயாரிப்பில் உருவாகியுள்ள இந்தத் தொடரை தர்மராஜ் ஷெட்டி இயக்கியுள்ளார். பிரம்மாண்டமான காட்சியமைப்புகள், பழங்குடி கலாச்சாரப் பின்னணி, பெண்களின் அதிகாரப் போட்டி மற்றும் அதிரடி சண்டைக் காட்சிகள் எனத் தொடர் கவனம் ஈர்க்கிறது. குறிப்பாக, பவானி கதாபாத்திரத்தில் கீர்த்தி சுரேஷின் நடிப்பு சிறப்பாக இருப்பதாக விமர்சனத்தில் குறிப்பிடப்பட்டுள்ளது.

இருப்பினும், கதையின் வேகம் குறைவாக இருப்பதும், தேவையற்ற வன்முறைக் காட்சிகள் மற்றும் அதிகப்படியான ஸ்டைலான காட்சிகள் கதையின் அழுத்தத்தைக் குறைப்பதாகவும் விமர்சிக்கப்பட்டுள்ளது. வலுவான கதைக்களத்தை எதிர்பார்த்த ரசிகர்களுக்கு முழுமையான திருப்தியைத் தரவில்லை எனக் குறிப்பிட்டுள்ள தி இந்தியன் எக்ஸ்பிரஸ் திரைப்பட விமர்சகர், இந்தத் தொடருக்கு 5-க்கு 2 மதிப்பெண்கள் வழங்கியுள்ளார்.

இதையும் படிங்க : 90% சொத்துகளை இழந்தேன்.. ரூ.4,000 கோடி ‘ராமாயணம்’ படத் தயாரிப்பாளர் நமித் மல்ஹோத்ரா