தங்கம் விலையில் அதிரடி மாற்றம்: இன்று வாங்கலாமா? புதிய ரேட் என்ன?

Gold Rate Today: தங்கம் இன்று (ஏப்ரல் 3 2025) அதிரடியாக உயர்ந்து வணிகமாகி வருகிறது. கிராமுக்கு ரூபாய் 50 அதிகரித்து காணப்படுகிறது.

தங்கம் விலை நிலவரம் (ஏப்ரல் 3 2025)

BySaranya JK

Published on: April 3, 2025 at 10:52 am

சென்னை ஏப்ரல் 3 2025: தங்கம் விலை அதிரடியாக உயர்ந்து ரூபாய் 68 ஆயிரத்தை கடந்துள்ளது. இது நகை பிரியர்கள் இடையே அதிர்ச்சியை ஏற்படுத்தியுள்ளது. இந்நிலையில் தங்கம் மற்றும் வெள்ளி விலையில் தினமும் ஏற்றும் இறக்கத்தோடு காணப்படுகிறது. இன்றைய தங்கம், வெள்ளி விலை குறித்து இப்போது பார்க்கலாம்.

தங்கம் விலை

தங்கம் விலை நேற்று கிராம் ரூ. 8,510 ஆகவும் சவரன் ரூ. 68,080 ஆகவும் விற்பனை செய்யப்பட்டு வந்தது. இந்நிலையில் ஒரே நாளில் கிராமுக்கு ரூ. 50 உயர்ந்துள்ளது. இதனால் சவரனுக்கு 400 உயர்ந்துள்ளது. அந்த வகையில் இன்று கிராம் தங்கம் ரூ. 8,560 ஆகவும் 8 கிராம் கொண்ட ஒரு சவரன் ரூ. 68,480 ஆகவும் விற்பனையாகிறது.

தூய தங்கத்தை பொறுத்தவரை ஒரு கிராம் ரூ.9,338 ஆகவும் சவரன் ரூ.74,704 ஆகவும் விலை நிர்ணயிக்கப்பட்டுள்ளது.

வெள்ளி விலை

வெள்ளி விலையை பொருத்தவரை கடந்த இரு தினங்களாக கிராம் 114 ஆக விற்பனை செய்யப்பட்டு வந்தது. இந்நிலையில் இன்று ஒரே நாளில் கிராமுக்கு ரூ. 2 குறைந்து கிராம் வெள்ளி 112 ஆகவும் ஒரு கிலோ கொண்ட பார் வெள்ளி ஒரு லட்சத்து 12 ஆயிரம் விற்பனை செய்யப்படுகிறது.

இதையும் படிங்க மார்ச் 31 கடைசி தேதி, 8.05 சதவீதம் வட்டி: இந்த 5 வங்கிகளின் வட்டியை செக் பண்ணுங்க!