Arvind Kejriwal | டெல்லி முன்னாள் முதலமைச்சர் அரவிந்த் கெஜ்ரிவாலை பாரதிய ஜனதா குண்டர்கள் தாக்கினார்கள் என ஆம் ஆத்மி புகார் தெரிவித்துள்ளது.
Arvind Kejriwal | டெல்லி முன்னாள் முதலமைச்சர் அரவிந்த் கெஜ்ரிவாலை பாரதிய ஜனதா குண்டர்கள் தாக்கினார்கள் என ஆம் ஆத்மி புகார் தெரிவித்துள்ளது.
Published on: October 25, 2024 at 10:35 pm
Updated on: October 25, 2024 at 11:12 pm
Arvind Kejriwal | டெல்லி கலால் கொள்கை முறைகேடு வழக்கில் சிறை சென்ற அரவிந்த் கெஜ்ரிவால், நீதிமன்றத்தில் ஜாமின் பெற்று திரும்பிய நிலையில் தனது முதலமைச்சர் பதவியை ராஜினாமா செய்தார். தொடர்ந்து அந்தப் பதவி கட்சியில் உள்ள அதிஷி என்பவருக்கு வழங்கப்பட்டது. தற்போது டெல்லியின் முதலமைச்சராக அதிஷி உள்ளார். இந்த நிலையில் , அரவிந்த் கெஜ்ரிவால் டெல்லியில் பாதயாத்திரை மேற்கொண்டுள்ளார்.
இந்தப் பாதயாத்திரையின் போது விகாஸ்பறையில் அரவிந்த் கெஜ்ரிவால் பாரதிய ஜனதா கட்சியை சேர்ந்த குண்டர்களால் தாக்கப்பட்டார் என மணிஷ் சிசோடியா குற்றம் சாட்டியுள்ளார். இதே குற்றச்சாட்டை மாநிலத்தின் முதலமைச்சர் அதிஷியும் முன்வைத்துள்ளார். இதுகுறித்து சமூக வலைத்தளத்தில் மணிஷ் சிசோடியா, ” அரவிந்த் கெஜ்ரிவால் பாரதிய ஜனதா தொண்டர்களால் தாக்கப்பட்டார்; அவருக்கு எது நடந்தாலும் பாரதிய ஜனதா தான் பொறுப்பு” என தெரிவித்துள்ளார்.
பாரதிய ஜனதா மறுப்பு
ஆம் ஆத்மின் குற்றச்சாட்டை பாரதிய ஜனதா மறுத்துள்ளது. இதுகுறித்து பேசிய டெல்லி மாநில பாஜக தலைவர் வீரேந்திர சச்தேவா, ” டெல்லி ஆம் ஆத்மி மீது மக்களுக்கு கடும் அதிருப்தி நிலவுகிறது. இந்த எதிர்ப்பலைகளை சமாளிக்க இதுபோல பொய்களை கூறுகின்றனர்” என்றார்.
இதையும் படிங்க : இந்தியா கூட்டணிக்கு பூஸ்ட்; மகாராஷ்டிரா, ஜார்க்கண்டில் கெஜ்ரிவால் பரப்புரை: ஆம் ஆத்மி தகவல்!
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
திராவிடன் டைம்ஸ்.காம் (www.dravidantimes.com) ஆன்லைன் செய்தித்தளம் ஆகஸ்ட் 18 2024ல் தொடங்கப்பட்டது. தமிழ்நாடு, இந்தியா, சர்வதேசம், வணிகம், லைஃப்ஸ்டைல், சினிமா, ஆன்மிகம், தொழில்நுட்பம், கல்வி மற்றும் வேலைவாய்ப்பு என பலதரப்பட்ட செய்திகளை பக்கச்சார்பின்றி வெளியிடுகிறது.
© 2024 dravidantimes.com – developed and designed by Thirdvizion.com
